5 Mose 3:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Eye mietrɔ dze mɔ ɖo ta Basan. Tete Og, Basan-fia, kple eƒe dukɔ blibo la ho aʋa va kpe mí le Edrei.

Agbenya La

¹ Azɔ míetrɔ ɖo ta Ɔg, Basan fia ƒe anyigba dzi. Ɔg ƒo eƒe aʋakɔ nu ƒu enumake eye wokpe aʋa kpli mí le Edrei.

5 Mose 3:1 Mawu Ofanana

1 Fiawo 4:19

Geber, Uri vi, le Gilead-nyigba, si nye Amoritɔwo ƒe fia Sixon kple Og, Basan-fia, ƒe anyigba la nu; dzikpɔla ɖeka le anyigba la nu.

Nehemia 9:22

Etsɔ fiaduƒewo kple dukɔwo, siwo nèkaka ɖe afisiafi la, de asi na wo; eye woxɔ Sixon ƒe anyigba, Xesbon-fia ƒe anyigba kple Basan-fia Og ƒe anyigba wonye wo ta.

Psalmowo 136:20

Og, Basan-fia, elabena eƒe amenuveve li tegbee;

5 Mose 1:4

le esi wòɖu Sixon, Amoritɔwo ƒe fia, si nɔ Xesbon, kple Og, Basan-fia, si nɔ Astarot dzi, le Edrei megbe.

5 Mose 2:32

Eye Sixon kple eƒe dukɔ blibo la ho aʋa va kpe mí le Yaza.

5 Mose 29:7

eye miexɔ woƒe anyigba hetsɔ na Ruben-viwo, Gad-viwo kple Manase-viwo ƒe to afã, bena wòanye woƒe domenyinu.

5 Mose 3:2

Eye Yehowa gblɔ nam bena: Megavɔ̃e o, elabena matsɔ eya ŋutɔ kple eƒe dukɔ blibo la kpakple eƒe anyigba ade asi na wò, eye nawɔe, abe alesi nèwɔ Amoritɔwo ƒe fia Sixon, si nɔ Xesbon la ene.

5 Mose 31:4

Yehowa awɔ wo, abe alesi wòwɔ Sixon kple Og, amesiwo nye Amoritɔwo ƒe fiawo, kple woƒe anyigbawo, eye wotsrɔ̃ wo ene.

5 Mose 4:47

Eye woxɔ eya kple Og, Basan-fia, siwo nye Amoritɔwo ƒe fia eveawo, ƒe anyigba le Yordan godo, le ɣedzeƒe gome, wòzu wo tɔ;

Yosua 12:1

Esiawo nye anyigba dzi fia, siwo dzi Israel-viwo ɖu, amesiwo ƒe anyigba woxɔ le Yordan godo le ɣedzeƒe gome, tso Arnon-tɔʋu la nu vaseɖe Xermon-to la gbɔ kple gbadzaƒe blibo, si le ɣedzeƒe:

Yosua 12:4

Hekpe ɖe Og, Basan-fia, amesi nye ame dzɔtsu mlɔea, si nɔ Astarot kple Edrei ƒe anyigba ŋu,

Yosua 13:30

tso Maxanayim, Basan blibo, si nye Og, Basan-fia ƒe fiaɖuƒe. Yair-kɔƒewo katã le Basan, siwo nye ɖu blaadeawo.

Yosua 9:10

kpakple nusiwo katã wòwɔ Amoritɔwo ƒe fia eveawo le Yordan godo, siwo nye Sixon, Xesbon-fia, kple Og, Basan-fia, sina Astarot.