5 Mose 26:19 - Biblia alo Ŋɔŋlɔ Kɔkɔe La Le Eʋegbe Me 1913

¹⁹ yeatsɔ wò ado gã de dukɔ, siwo katã wòwɔ la nu hena eƒe kafukafu, bubu kple atsyɔɖoɖo, eye nanye dukɔ kɔkɔe na Yehowa, wò Mawu la, abe alesi wòdo ŋugbe ene.

Agbenya La

¹⁹ Ne èwɔ alea la, awɔ wò dukɔ gã wu dukɔ bubu ɖe sia ɖe, eye wòana kafukafu, bubu kple ŋkɔxɔxɔ wò. Ke hafi bubu kple ŋkɔ sia naɖo ŋuwò la, ele be nànye dukɔ kɔkɔe na Yehowa, wò Mawu la abe ale si wòdi tso asiwò ene.”

5 Mose 26:19 Mawu Ofanana

Psalmowo 148:14

Ewu eƒe dukɔ ƒe dzo ɖe dzi, eyata kafukafu neɖi le eƒe mawumemewo katã, Israel-viwo, dukɔ, si tsɔ ɖe egbɔ la nu! Mikafu Yehowa!

2 Mose 19:5

Azɔ ne míaɖo to nye gbe, eye mialé nye nubabla me ɖe asi la, ekema mianye tanye koŋ le dukɔwo katã dome, elabena anyigba blibo la tɔnyee.

2 Mose 19:6

Eye mianye; nunɔlawo ƒe fiaduƒe kple dukɔ kɔkɔe nam! Esiawo nye nya, siwo nagblɔ na Israel-viwo.

Yesaya 62:12

Woayɔ wo be: „dukɔ kɔkɔe“, „Yehowa ƒe amesiwo woɖe“, ke wò la, woayɔ wò be „du, si ƒe nya wodina“, „du, si womagblẽ ɖi o.“

Yeremia 13:11

Yehowa be: Alesi alidziblanu noa ali na ŋutsui la, nenema memiã Israel ƒe aƒe blibo la kple Yuda ƒe aƒe blibo la ɖe ɖokuinye ŋui, ne wòanye dukɔ, ŋkɔ, kafukafu kple atsyɔ̃ nam, ke womeɖo to o.

Yeremia 2:3

Yehowa be: Israel le kɔkɔe na Yehowa, eƒe agblemenu gbãtɔwo wonye; amesiwo katã ɖui la, kpɔe ɖe enu; dzɔgbevɔ̃e va wo dzi!

Yeremia 33:9

Eye woanye dzidzɔ ŋkɔ kafukafu kple adegbeƒoƒo nam le anyigba dzi dukɔwo katã dome, amesiwo ne wose nu nyui, siwo katã mawɔ na wo ŋkɔ la, ŋɔdzi alẽ wo, eye woadzo nyanyanya le nu nyui kple ŋutifafa, siwo katã mena wo la ŋuti.

Zefania 3:19

Kpɔ ɖa, mawɔ nu kple amesiwo katã te mi ɖe anyi la ɣemaɣi, makpe ɖe ata ŋeŋee tɔwo ŋu, maƒo: amesiwo kaka hlẽ la nu ƒu, eye matso wo awɔ kafukafu kple bubu le anyigba, siwo katã dzi wodo ŋukpe wo le la dzi.

Zefania 3:20

Ma-kplɔ mi agbɔe ɣemaɣi, eye maƒo mia nu ƒu ɣemaɣi; elabena ne meɖo mi te miekpɔ kple ŋku la, matso mi awɔ bubu kple kafukafu le anyigba dzi ɖukɔwo katã ɖome; Yehowa ye gblɔe!

Zekaria 8:13

Yuda ƒe aƒe kple Israel ƒe aƒe, alesi mienye fiƒoɖe le dukɔwo ɖomee la, nenema maxɔ na mi, be miazu yayra; migavɔ̃ o, agbe neɖo miaƒe asiwo me!

5 Mose 27:1

Eye Mose kple Israel-ame tsitsiwo de se na dukɔ la bena: Lé se, siwo katã mede na wò egbea la me de asi.

5 Mose 28:1

Ne eɖo to Yehowa, wò Mawu ƒe gbe pɛpɛpɛ, eye nèlé eƒe se, siwo katã meɖe na wò egbe la me ɖe asi hewɔ wo dzi la, ekema Yehowa, wò Mawu, atsɔ wò aɖo gã ɖe anyigba dzi dukɔwo katã nu.

5 Mose 28:13

Yehowa atsɔ wò awɔ tae, eye menye asike o, wòado wò ɖe dzi ɖaa, eye mava anyi o, elabena èse Yehowa, wò Mawu ƒe se, siwo mede na wò egbe, eye nele wo me ɖe asi hewɔ wo dzi,

5 Mose 28:9

Ne èlé Yehowa, wò Mawu ƒe seawo me ɖe asi, eye nèzɔ eƒe mɔwo dzi la, ekema Yehowa aɖo wò nanye eƒe dukɔ kɔkɔe, abe alesi wòka atam na wò ene.

5 Mose 7:6

Elabena dukɔ kɔkɔe nènye na Yehowa, wò Mawu la; Yehowa, wò Mawu, tia wò tso dukɔwo katã dome le anyigba dzi, bena nanye eya ŋutɔ ƒe dukɔ.

1 Petro 2:5

eye abe kpe gbagbewo ene la miawo hã mitu mia ɖokui wòazu gbɔgbɔ me xɔ hena nunɔlanyenye kɔkɔe, bena miasa gbɔgbɔ me vɔ, siwo adze Mawu ŋu to Yesu Kristo dzi.

1 Petro 2:9

Ke miawoe nye dzidzime tiatia la, fia nunɔlanyenye, dukɔ kɔkɔe, dukɔ, si nye Mawu ŋutɔ tɔ, bene miaɖe gbe ƒã amesi yɔ mi tso viviti me va ye ŋutɔ ƒe nukukekeli gbɔ la, ƒe nutsuwɔwɔwo afia,