5 Mose 23:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Woƒe dzidzimevi etɔ̃lia kpɔ mɔ anɔ Yehowa ƒe ha la me.

Agbenya La

⁹ “Ne mieyi aʋa la, ŋutsu siwo le asaɖa la me la mekpɔ mɔ awɔ nu vɔ̃ aɖeke o.

5 Mose 23:9 Mawu Ofanana

2 Kronika 19:4

Eye Yosafat no Yerusalem; emegbe egatsa le dukɔ la dome tso Beer-Seba vaseɖe Efrayim-to dzi, eye wòtrɔ wo ɖe Yehowa, wo fofowo ƒe Mawu la ŋu.

2 Kronika 31:20

Alea Xizkiya wɔ le Yuda blibo la, eye wòwɔ nusi nyo kple nusi dzɔ, eye wòle eteƒe la, le Yehowa, eƒe Mawu la ŋku me.

Yesaya 56:3

Amedzrovi, si ku ɖe Yehowa ŋu la, megagblɔ be, Yehowa le ye ɖe ge ɖa atso eƒe dukɔ ŋu o; eye ame tata megagblɔ be, kpɔ ɖa, ye la, ati ƒuƒu ko ye nye o.

Luka 3:14

Eye asrafowo hã biae gblɔ bena: Miawo hã nuka wo ge míala? Eye wògblɔ na wo bena: Migado ŋɔdzi na amea ɖeke xɔ nu le esi o, eye migatso amea ɖeke nu hã dzro o, eye miaƒe fetu nadze mia ŋu!

5 Mose 23:10

Ŋe eho aʋa ɖe wò futɔwo ŋu, eye nèƒu asaɖa anyi la, ekema kpo nyuie le vɔ̃wo katã ŋu.

5 Mose 23:8

Meganyɔ ŋu Edomitɔ o, elabena nɔviwò wònye, eye meganyɔ ŋu Egiptetɔ o, elabena ènye amedzro kpɔ le eƒe anyigba dzi.

Yosua 6:18

Ke mikpɔ nyuie le busunuawo ŋu, ne miagatsɔ wo dometɔa ɖeke aɖo busu mia ɖokui ahakplɔ busu aƒu Israel-saɖa la, eye woage ɖe dzɔgbevɔ̃e me o.

Ɖelawo 20:26

Tete Israel-viwo katã kple aʋakɔ blibo la yi Betel ɖafa avi, eye wotsi Yehowa ŋku me le afima, wotsi nu dɔ gbemagbe vaseɖe fiẽ, eye wosa numevɔ kple akpedavɔ lé Yehowa ŋku me.