5 Mose 19:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Ne Yehowa, wò Mawu, tsrɔ̃ dukɔ, siwo ƒe anyigba Yehowa, wò Mawu be, yeatsɔ na wò, eye nènyã wo hele woƒe duwo kple xɔwo me la,

Agbenya La

¹ “Ne Yehowa, wò Mawu la tsrɔ̃ dukɔ siwo teƒe xɔ ge nàla, eye ne èle woƒe duwo kple aƒewo me la,

5 Mose 19:1 Mawu Ofanana

2 Mose 21:13

Ne amea ɖe mebua o, gake Mawu to eƒe asi dzi wɔe la, ekema maɖo teƒea ɖe na wò, afisi wòasi ayi.

4 Mose 35:11

ekema mitia duwo, ne woanye sitsoƒe na mi, afisi amesi mebuawu ame o la, nasi ayi.

4 Mose 35:9

Eye Yehowa ƒo nu kple Mose bena:

5 Mose 12:1

Esiawo nye ɖoɖo kple se, siwo me míalé ɖe asi, eye miawo wo dzi ŋkeke alesi miele anyigba, si Yehowa, mia fofowo ƒe Mawu, na mi, be wòanye mia to la dzi.

5 Mose 12:29

Ne Yehowa, wò Mawu, atsrɔ̃ dukɔ, siwo gbɔ nèyina, be nanyã wo la ɖa le ŋgɔwò, eye nènyã wo hetso aƒe ɖe woƒe anyigba dzi la,

5 Mose 17:14

Ne eva anyigba, si Yehowa, wò Mawu, le na wò ge la dzi, eye nèxɔe wònye tɔwo nètso aƒe ɖe edzi, emegbe dagblɔ bena: Maɖo fia ɖe ɖokuinye nu abe dukɔ, siwo katã ƒo xlãm ene la,

5 Mose 6:10

Ne Yehowa, wò Mawu, kple wò va anyigba, si ŋu wòka atam ɖo na fofowòwo Abraham, Isak kple Yakob bena, yeatsɔe na wò dzi, afisi du gã nyui, siwo menye wòe tso wo o la le,

5 Mose 6:11

eye xɔwo yɔ fũ kple nu nyui, siwo menye wòe de wo me o, afisi vudo, siwo menye wòe ɖe wo o, kple weingble kpakple amitibɔ, siwo menye wòe tso wo o la le, eye nèɖu nu ɖi ƒo la,

Yosua 20:1

Eye Yehowa gblɔ na Yosua bena;

Yosua 24:13

Metso anyigba, si ŋu miedze agbagba le o la, na mi kple ɖu, siwo mietso o la, be mianɔ wo me, eye metsɔ weinbɔ kple amitibɔ, siwo mietso o la, na mi, be miaɖu wo me nuwo.