5 Mose 12:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Eye mia kple miaƒe aƒemetɔwo miaɖu nu akpɔ dzidzɔ le afima le Yehowa ŋku me, le nusiwo katã Yehowa, mia Mawu, yra mi mietsɔ miaƒe asiwò wɔ dɔ kpɔ la ŋuti.

Agbenya La

⁷ Afi mae miawo kple miaƒe ƒometɔwo miaɖo kplɔ̃ ɖo le Yehowa, miaƒe Mawu la ŋkume, eye miatso aseye le nu siwo katã wòwɔ na mi la ta.

5 Mose 12:7 Mawu Ofanana

1 Kronika 29:22

Woɖu nu no nu le Yehowa ŋku me gbemagbe kple dzidzɔ geɖe, eye woɖo fia Salomo, Dawid vi, zi evelia, wosi ami nɛ heɖo amegãe na Yehowa, eye wòsi ami na Zadok heɖo nunɔlae.

Nehemia 8:9

Tete anyigba dzikpɔla Nexemya kple nunɔla Ezra, amesi nye agbalẽfiala, kpakple Lewi-vi, siwo le eme ɖem na dukɔa la, gblɔ na dukɔ blibo la bena: Ŋkeke sia ŋu kɔ na Yehowa, mia Mawu la, migaxa nu o, eye migafa avi o! Elabena dukɔ blibo le avi fam, esime wose se la me nyawo.

Nyagblɔla 3:12

Medze sii bena, nu nyuia ɖeke meli na wo wu be, woakpɔ dzidzɔ, eye woaɖu agbe le woƒe agbenɔɣi o.

Nyagblɔla 3:13

Ke be amea ɖe naɖu nu ano nu, eye wòanyo nɛ le eƒe agbagbadzedzewo katã me la, Mawu ƒe nunanae.

Nyagblɔla 5:18

Eye ne Mawu na kesinɔnu kple nu xɔesiwo amea de, eye wòna misee be, wòaɖui, wòaxɔ elɔ gome, eye wòakpɔ dzidzɔ ɖe eƒe dɔwɔwɔ ŋu la, Mawu ƒe nunana nye esia.

Yesaya 23:18

Ke eƒe viɖe kple gboloho ŋu akɔ na Yehowa; womali koe o, eye womafi ɖo gleglegle o, ke boŋ eƒe adzododo anye amesiwo le Yehowa ŋku me la tɔ, ne woaɖu nu aɖi ƒo, eye woata ava nyuiwo.

Yesaya 62:9

ke boŋ amesiwo xa nuku la, woawoe aɖui, eye woakafu Yehowa, eye amesiwo; xa nu la, woawoe anoe le nye xɔxɔnu kɔkɔewo.

Hezekiel 44:3

Ke amegã la nebɔbɔ nɔ anyi ɖe eme, ne wòaɖu nu le Yehowa ŋku me. Agbo la ƒe akpata ƒe axa dzi wòato ava eme, eye afima ke wòato ado go.

Yoel 1:16

Ɖe wometsi nuɖuɖu nu le mía ŋku me, eye dzidzɔ kple aseyetsotso nu le mía Mawu ƒe me oa?

Yoel 2:26

Miaɖu nu aɖi ƒo, eye miakafu Yehowa, mia Mawu, amesi wo nukunu ɖe mia ŋu la ƒe ŋkɔ, eye ŋu magakpe nye dukɔ akpɔ gbeɖe o.

3 Mose 23:40

Le ŋkeke gbãtɔ dzi miatsɔ atikutsetse nyuitɔwo, eye mialã ɖeʋayawo, ati, siwo ƒe aŋgbawo ɖo, ƒe alɔwo kple amuti ƒe alɔwo, eye miakpɔ dzidzɔ le Yehowa, mia Mawu ŋku me ŋkeke adre sɔŋ.

Malaki 2:13

Eye nusi miagawɔ evevea la, enye si: Miatsɔ aɖatsi, avifafa kple hũɖeɖe anyẽ atsyɔ Yehowa ƒe vɔsamlekpui la, elabena megatrɔna ɖe mia ŋu o, eye mexɔa nusi dzea eŋu la, tso mia si me o.

Dɔwɔwɔwo 2:46

Eye gbesiagbe wonɔa gbedoxɔ me kple tame ɖeka, eye wole abolo kam le aƒe sia aƒe me, eye woɖua nu kple dzidzɔ kpakple dzimekɔkɔ

5 Mose 12:12

eye mia kple mia viŋutsuwo kpakple mia vinyɔnuwo, miaƒe dɔlaŋutsuwo kple dɔlanyɔnuwo kpakple Lewitɔ, siwo le miaƒe du me, amesiwo mexɔ gome alo domenyinua ɖeke kpe ɖe mia ŋu o la, míakpɔ dzidzɔ le Yehowa, mia Mawu, ŋku me.

5 Mose 12:18

Ke boŋ mia kple viwòŋutsu kple viwònyɔnu, wò dɔlaŋutsu kple wò dɔlanyɔnu kpakple Lewitɔ, si le wò du me la, miaɖu wo ɖe Yehowa, wò Mawu, ŋku me le teƒe, si Yehowa, wò Mawu atia, eye nakpɔ dzidzɔ le Yehowa, wò Mawu ŋku me le nusiwo nètso wò asi wo dɔ kpɔ la ŋuti.

5 Mose 12:8

Migawɔ, abe alesi miele wɔwɔm le afisia fifia la ene o, ne amesiame nawɔ nusi dze eŋu o;

5 Mose 14:23

eye nano wò wein ƒe ewolia, eye naɖu wò bli kple wò ami ƒe ewolia kpakple wò nyi kple alẽwo ƒe ŋgɔgbeawo le teƒe, si Yehowa, wò Mawu, atia be, yeƒe ŋkɔ nanɔ la, ne nanya alesi nava Yehowa, wò Mawu lae ɣesiaɣi.

5 Mose 14:26

Eye natsɔ ga la aƒle nusianu, si dze ŋuwò, eɖanye nyi alo alẽ, wein alo aha sesẽa de alo nusianu, si nèdi la o, eye mia kple aƒewò me tɔwo miaɖu nu akpɔ dzidzɔ le afima le Yehowa, wò Mawu, ƒe ŋku me.

5 Mose 15:20

ke boŋ mia kple aƒewò me tɔwo miaɖu wo le Yehowa, wò Mawu ŋku me ƒe sia ƒe le teƒe, si Yehowa atia.

5 Mose 26:11

Eye mia kple Lewito kpakple amedzro, si le gbɔwò la, míakpɔ dzidzɔ le nu nyui, siwo katã Yehowa, wò Mawu, na wò kple aƒewò me towo la ŋuti.

5 Mose 27:7

eye nasa akpedavɔ aɖu nu le afima, eye nakpɔ dzidzɔ le Yehowa, wò Mawu ŋku me.

5 Mose 28:47

Esi nu do sɔ gbɔ ɖe asiwò, eye mèkɔ mo hesubɔ Yehowa, wò Mawu la faa tso dzi me o la,

Filipitɔwo 4:4

Dzi nadzɔ mi le Aƒetɔ la me ɖaasi; megale egblɔm bena: Dzi nadzɔ mi!