5 Mose 11:21 - Biblia alo Ŋɔŋlɔ Kɔkɔe La Le Eʋegbe Me 1913

²¹ ne mia kple mia viwo miano agbe didie le anyigba, si ŋu Yehowa ka atam ɖo na mia fofowo be, yeatsɔe na wo la dzi, abe alesi dziƒo anɔ anyigba tame eteƒe nadidii ene.

Agbenya La

²¹ ale be zi ale si dziŋgɔli anɔ anyi le mia tame ko la, mi kple mia viwo miakpɔ gome le agbe vivi si le mia lalam le anyigba si ŋugbe Yehowa do na mia fofowo la dzi.

5 Mose 11:21 Mawu Ofanana

Psalmowo 72:5

Ekema woavɔ̃ wò, ŋkeke alesi ɣe kple ɣleti li, tso dzidzime yi dzidzime.

Psalmowo 89:30

Mana eƒe ƒome nana anyi tegbetegbe kple eƒe fiazikpui abe dziƒo ƒe ŋkekewo ene.

Lododowo 3:16

Agbenɔnɔ didie le eƒe ɖusi me, eye kesinɔnu kple bubu le eƒe mia me.

Lododowo 3:2

elabena woade agbenɔnɔ didi, ƒe nyuiwo kple ŋutifafa va na wò kpaŋkpaŋ.

Lododowo 4:10

Vinye, see, eye naxɔ nye nyawo awɔ tɔwòe, ekema agbenɔƒe geɖe anɔ asiwò.

Lododowo 9:11

Elabena wò ŋkekewo asɔ gbɔ to dzinye, eye agbenɔƒewo adzi ɖe edzi na wò.

Yesaya 65:20

Ɖevi, si xa ŋkeke ʋee alo amegã ɖeɖi, si ƒe ŋkekewo mede keŋ o la, magano afima o; elabena amesi xɔ ƒe alafa hafi ku la, ɖevie, eye nuvɔ̃wɔla, si xa ƒe alafa la, fiƒode ava edzi.

5 Mose 11:9

eye mianɔ agbe didie le anyigba, si ŋu Yehowa ka atam ɖo na mia fofowo be, yeatsɔ na woa kple wo viwo la dzi, anyigba, si dzi notsi kple anyitsi bɔ ɖo.

5 Mose 4:40

eye nawɔ ɖoɖo kple se, siwo meɖe na wò egbea la dzi, bena wòanyo na wò kple megbewòviwo, eye nanɔ agbe didie le anyigba, si Yehowa, wò Mawu, le na wò ge la dzi tegbee.

5 Mose 5:16

Bu fofowò kple dawo, abe alesi Yehowa, wò Mawu, ɖe se na wò ene, bena nanɔ agbe didie, eye wòanyo na wò le anyigba, si Yehowa, wò Mawu, le na wò ge la dzi.

5 Mose 6:2

ne miavo Yehowa, mia Mawu la, eye mia kple viwòwo kple wò tɔgbuiyɔviwo miawɔ ɖoɖo kple se, siwo megblɔ na mi la dzi, le miaƒe agbe me ŋkekewo katã me, bena mianɔ agbe didie.

Nyaɖeɖefia 20:6

Yayratɔ kple kɔkɔetɔ enye amesi kpɔ gome le tsitretsitsi gbãtɔ la me; amesiawo dzi ku evelia mekpɔ ŋusẽa ɖeke ɖo o, ke woanye Mawu kple Kristo ƒe nunɔlawo, eye woaɖu fia kplii ƒe akpe ɖeka.