5 Mose 10:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Eye Yehowa ɖa Lewi-to la ɣemaɣi, bena woatsɔ Yehowa ƒe nubablaɖaka la, woawɔ subɔsubɔdɔ le Yehowa ŋku me, eye woayra ame ɖe eƒe ŋkɔ dzi, va do egbe.

Agbenya La

⁸ Afi mae Yehowa ɖe Levi ƒe viwo ɖe aga le be woakɔ nubablaɖaka si me Yehowa ƒe Se Ewoawo le, eye woanɔ tsitre ɖe Yehowa ŋkume awɔ Yehowa ƒe dɔ, ade bubu eƒe ŋkɔ ŋu abe ale si wowɔna egbe ene.

5 Mose 10:8 Mawu Ofanana

1 Fiawo 8:6

Eye nunɔlawo tsɔ Yehowa ƒe nubablaɖaka la va da ɖe eteƒe le megbexɔ, si nye kɔkɔeƒewo fe kɔkɔeƒe la me le Kerubiawo ƒe aʋalawo te.

1 Kronika 15:2

Emegbe Dawid de se be, amea ɖeke mekpɔ mɔ atsɔ Mawu ƒe aɖaka la o, negbe Lewi-viwo ko, elabena woawoe Yehowa tia, be woatsɔ Mawu ƒe aɖaka la, eye woasubɔe tegbee.

1 Kronika 15:26

Eye esi Mawu kpe ɖe Lewi-vi, siwo tsɔ Yehowa ƒe nubablaɖaka ŋuti la, wotsɔ nyitsu adre kple agbo adre sa vɔe.

1 Kronika 23:13

Aram viwo nye: Aron kple Mose, ewolia Aron, be wòakɔ eya kple viaŋutsuwo ŋu ne woanye ame kɔkɔetɔwo tegbee ne woaɖo dzudzɔ le Yehowa ŋku me, woasubɔe, eye woayra ame ɖe eƒe ŋkɔ dzi tegbee.

1 Kronika 23:26

eyata Lewi-viwo hã megale nɔƒe la kple eƒe nuwo katã tso ge azɔ o; —

2 Kronika 29:11

Vinyewo, migawɔ ƒome o, elabena míawoe Yehowa fia, be mianɔ tsitre ɖe eŋku me, miawɔ eƒe dɔwo, eye mianye eƒe subɔlawo kple dzudzɔdolawo.

2 Kronika 30:27

Eye nunɔlawo kple Lewi-viwo tsi tre heyra dukɔ la, eye wose woƒe gbe, eye woƒe gbedodoɖa de eƒe nɔƒe kɔkɔe la le dziƒo.

Psalmowo 134:1

Mɔzɔha. Mikafu Yehowa, mi Yehowa ƒe dɔlawo katã, mi amesiwo tsia tre ɖe Yehowa ƒe me le zãwo me!

Psalmowo 134:2

Miwu miaƒe asiwo dzi ɖo ɖe kɔkɔeƒe la gbɔ, eye mikafu Yehowa!

Psalmowo 135:2

mi amesiwo tsia tre ɖe Yehowa ƒe me, le mía Mawu ƒe aƒe ƒe xɔxɔnuwo!

Yeremia 15:19

Eyata ale Yehowa gblɔ esi: Ne ètrɔ ɖe ŋunye la, matrɔ ɖe ŋuwò, eye atsi tre ɖe ŋkunye me. Eye ne eɖe nu nyuiwo ɖe go, menye gbegblẽawo o la, ekema anye nye nu; woawo atrɔ ɖe ŋuwò, ke wòa matrɔ ɖe wo ŋu o.

Hezekiel 44:11

eye woanye aƒe la ƒe agbonudzɔlawo le nye kɔkɔeƒe la, eye woasubɔ le aƒe la me; Woawu numevɔsalã kple akpedavɔsalã na dukɔ la, eye woatsi tre ɖe wo gbɔ asubɔ wo.

Hezekiel 44:15

Ke nunɔla, siwo nye Lewi-viwo, amesiwo tso Zadok-viwo dome, eye wosubɔ le nye kɔkɔeƒe la me, esime Israel-viwo trɔ le yonyeme la, woawo nete ɖe ŋunye, ne woasubɔm, eye woatsi tre ɖe ŋkunye me, ne woatsɔ ami kple ʋu asa vɔ̃e nam, Aƒetɔ Yehowa ye gblɔe.

3 Mose 8:9

emegbe wòtsɔ tablanu la bla ta nɛ, eye wòtsi sikaŋgoblanu kɔkɔe la ɖe tablanu la ŋu le ŋgɔgbe, abe alesi Yehowa ɖe se na Mose ene.

3 Mose 9:22

Emegbe Aron wu eƒe asiwò dzi ɖe dukɔ la dzi, eye wòyra wo; eye esi wòsa nuvɔ̃vɔ, numevɔ kple akpedavɔ vɔ la, eɖi ɖe anyi.

4 Mose 3:31

Woƒe dɔe nye be, woakpɔ aɖaka la kple kplɔ la, akaɖiti la, vɔsamlekpuiwo kple kɔkɔeƒe la me nuwo kpakple xɔmetsovɔ la kple nu bubuawo dzi.

4 Mose 3:6

Na Lewi-to la nava nunɔla Aron gbɔ, bena woasubɔe.

4 Mose 4:15

Ne Aron kple viaŋutsuwo bia nu ɖe nu kɔkɔeawo kple wo ŋu nuawo katã ŋu va, eye ameha la le hoho ge la, eya ko hafi Kehat viwo nava atsɔ wo, bena womagaka asi nu kɔkɔeawo ŋu ahaku o. Esiawo nye Mawu ƒe agbadɔ la ŋu nusiwo Kehat-viwo natsɔ.

Yohanes 15:16

Menye miawoe liam ke boŋ nyee tia mi, eye meɖo mi anyi, bena miayi aɖatse ku, eye miaƒe kutsetse la nanɔ anyi, bena nusi ke miabia Fofo la le nye ŋkɔa dzi la, ne wòana mi.

Dɔwɔwɔwo 13:2

Eye esi wole Aƒetɔ la subɔm, eye wotsia nu dona la, Gbɔgbɔ kɔkɔe la gblɔ bena: Azɔ mitia Barnaba kple Saul nam hena dɔwɔwɔ, si ŋuti meyɔ wo ɖo.

Romatɔwo 1:1

Paulo, Yesu Kristo ƒe dɔla kple apostolo, si woyɔ, eye wotia hena Mawu ƒe nyanyuie,

Romatɔwo 12:7

nenye subɔsubɔ la, mianɔ subɔsubɔ dzi; ne amea ɖe le nu fiam la, nena nufiafia dzi;

2 Korintotɔwo 6:17

Eyaŋuti mido go le wo dome, eye miɖe mia ɖokui ɖa, Aƒetɔ la gblɔe, eye migaka asi nu makɔmakɔ ŋuti o, eye nye la maxɔ mi,

Galatiatɔwo 1:15

Ke esime wòdze Mawu, si tiam le danye ƒe dome ke, eye wòto eƒe amenuveve me yɔm la ŋu,

5 Mose 17:12

Ke ne amea ɖe sẽ to ɖe nunɔla, si le Yehowa, wò Mawu, subɔm le afima, kple ʋɔnudrɔ̃la ŋu, eye meɖo to wo o la, ekema woawu ame la; eye woaɖe vɔ̃ la ɖa le Israel dome,

5 Mose 18:5

Elabena Yehowa, wò Mawu, da wo tso wò toawo katã me, bena woawo kple wo viwo nasubɔ le Yehowa ƒe ŋkɔ me ɣesiaɣi.

5 Mose 21:3

Eye du, si tsɔ ɖe ame kukua gbɔ la me ame tsitsiwo nana nyinɔvi ɖeka, si mewo ɖɔ kpɔ o, eye womede kɔkuti kɔ nɛ kpɔ o la.

5 Mose 21:5

Emegbe nunɔlawo, amesiwo nye Lewi-viwo la, nate va, elabena woawo Yehowa, wò Mawu tia, bena woasubɔe, eye Woayra ame ɖe Yehowa ƒe ŋkɔ dzi, eye alesi wogblɔ la, nenema nu woadrɔ̃ dzrenya kple avuwɔnyawo katã ɖo.

5 Mose 31:9

Eye Mose ŋlɔ se sia ƒe nyawo, eye wòtsɔe ɖe asi na nunɔlawo, siwo nye Lewi-viwo, amesiwo le Yehowa ƒe nubablaɖaka la tsɔm, kpakple Israel-ame tsitsiwo katã.