4 Mose 4:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Emegbe woabia nusi wo katã ŋu dɔ wowɔna le kɔkɔeƒe la, ɖe aɖabɛ blɔtɔ me, eye woaxatsa nyogbalẽ ɖe wo ŋu, eye woatsɔ wo aɖo agbati dzi.

Agbenya La

¹² “Ekema woabla nu bubu siwo katã asusɔ ɖe agbadɔ la me la ɖe avɔ blɔtɔ aɖe me, atsɔ tɔmenyigbalẽ atsyɔ eya hã dzi, eye woada nubabla la ɖe agbati dzi.

4 Mose 4:12 Mawu Ofanana

1 Kronika 9:28

Wotsɔ dɔwɔnuawo de wo dometɔa ɖewo si, be woatsɔ wo ava emee dedie, eye woatsɔ wo ado goe dedie.

1 Kronika 9:29

Wotsɔ nuawo katã, siwo nye nu kɔkɔeawo, wo memee, wein, ami, dzudzɔʋeʋẽedonu kple atike ʋeʋẽeawo de asi na wo dometɔa ɖewo.

2 Kronika 4:11

Eye Xuram wɔ zewo, sofiwo kple trewo. Ale Xuram wu Mawu ƒe xɔ ŋu ɖɔ la nu na fia Salomo,

2 Kronika 4:16

zewo, sofiwo kple gaflowo. Eye Xuram-Abi tsɔ akɔbli, si ŋu wozrɔ̃, wɔ nusiwo katã kpe ɖe wo ŋu la, na fia Salomo hena Yehowa ƒe aƒe la.

2 Kronika 4:19

Eye Salomo tsɔ sika nyuitɔ wɔ Mawu ƒe aƒe la me nuwo katã: sikavɔsamlekpui la kple kplɔ̃, siwo dzi woada ŋkumeɖobolo ɖo,

2 Mose 25:5

agbogbalẽ, si wode ama dzi, nyogbalẽ kple xé.

2 Mose 25:9

Alesi metia nɔƒe la tutume kple eŋuti nuwo katã wɔwɔ wò la, nenema pɛpɛpɛ miawɔe.

2 Mose 31:10

atsyɔ̃ɖowuawo kple nunɔla Aron ƒe awu kɔkɔeawo kpakple viaŋutsuawo ƒo awuwo, be woanye nunɔlawo asubɔ;

4 Mose 3:8

Woakpɔ Mawu ƒe agbadɔ la ŋuti nuwo dzi, eye woakpe ɖe Israel-viwo ŋu, ne wova subɔsubɔ ge, eye woawɔ nɔƒe la ŋu dɔwo.

4 Mose 4:11

Woakeke aɖabɛ blɔtɔ ɖe sikavɔsamlekpui la dzi, eye woatsɔ nyogbalẽ abu dzi, eye woade kpoawo eŋu.

4 Mose 4:13

Emegbe woalɔ afi le vɔsamlekpui la me, eye woakeke aɖabɛ dzĩtɔ ɖe edzi.

4 Mose 4:6

eye woatsɔ nyogbalẽ atsyɔ edzi, emegbe woatsɔ aɖabɛ blɔtɔ akeke ɖe dzi, eye woade kpoawo eŋu.

4 Mose 4:7

Eye woakeke aɖabɛ blɔtɔ ɖe ŋkumeɖobolokplɔ̃ la dzi, emegbe woafɔ agbawo, nutɔgbawo, trewo kple goe, siwo me wokua nunovɔsa ɖo kpakple gbesiagbe boloawo ada ɖe edzi.

4 Mose 4:9

Eyome woabia akaɖiti la kple eŋu kaɖigbɛawo, ɖovulãnuawo kple ganuviawo kpakple amigoe, siwo kpe ɖe eŋu la, ɖe aɖabɛ blɔtɔ me;