3 Mose 27:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Nenye lã, siwo wotsɔna saa vɔ na Yehowa la, dometɔa ɖe wònye la, ekema ɖesiaɖe, si wotsɔ na Yehowa la, nanɔ kɔkɔe.

Agbenya La

⁹ “ ‘Ke ne nu si amea tsɔ ɖe adzɔgbee la nye lã si dzi woda asi ɖo be woatsɔ asa vɔe na Yehowa la, ne wotsɔ lã sia ɖe adzɔgbee la, ele kɔkɔe na Yehowa.

3 Mose 27:9 Mawu Ofanana

Lododowo 20:25

Mɔ̃ wònye na amegbetɔ, ne nya ge le enu be: „nua ŋu kɔ!“ emegbe hafi wòayi tame bu ge le adzɔgbeɖeɖe la ŋu.

Nyagblɔla 5:6

Elabena tofloko geɖe le ɖrɔ̃ekuku kple nu kpoloe ƒoƒo geɖe me. Ke wò la vɔ̃ Mawu boŋ!

Hezekiel 48:14

Womekpɔ mɔ atsɔ ɖe adzra o, womaɖɔ lii o, eye anyigba la ƒe nyuitɔ mayi ɖe ame bubu si me o; elabena nu kɔkɔe wònye na Yehowa.

3 Mose 27:10

Mekpɔ mɔ aɖo lii alo atsɔ lã nyui aɖuɖɔ manyomanyoa alo atsɔ manyomanyoa aɖo li nyuia o; ke ne eɖuɖɔe la, ekema esi wotsɔ ɖuɖɔe kple esi wòɖuɖɔ la, wole kɔkɔe.

3 Mose 27:8

Ke ne ame la da ahe, eye mate ŋu ana ho la o la, ekema nakplɔe ayi nunɔla gbɔ, eye nunɔla nado asi nɛ ɖe nusi le esi la nu.

3 Mose 5:15

Ne amea ɖe meɖi anukware o, eye wòɖe ŋu ɖi ɖa vo le Yehowa ƒe nu kɔkɔeawo me la, ekema wòatsɔ agbo, si sɔ blibo, eye nèbu be, anɔ klosalo sekel kɔkɔe eve la, asa fɔɖiŋuvɔ na Yehowa.

Mateo 15:5

Ke miawo la miegblɔ bena: Amesi ke lagblɔ na fofoa alo dadaa bena: Nusi ke nate ŋu akpɔ tso gbɔnye la, nanye nunana na Mawu la, eya magabu fofoa alo dadaa o!