3 Mose 26:13 - Biblia alo Ŋɔŋlɔ Kɔkɔe La Le Eʋegbe Me 1913

¹³ Nyee nye Yehowa, mia Mawu, si kplɔ mi tso Egipte-nyigba dzi, bena miaganye kluviwo na wo o; meŋe kɔkuti ɖa le kɔ dzi na mi, eye mievo le yiyim.

Agbenya La

¹³ elabena nyee nye Yehowa, miaƒe Mawu, ame si kplɔ mi tso Egiptenyigba dzi, ale be miaganye kluviwo azɔ o. Meɖe kɔkuti le kɔ dzi na mi, ale be miazɔ abe ablɔɖemewo kple bubumewo ene.’ ”

3 Mose 26:13 Mawu Ofanana

Psalmowo 116:16

Oo Yehowa, wò dɔla menye, wò dɔla, si nye wò dɔlanyɔnu ƒe vi la, menye; wòe tu nye bablawo.

2 Mose 14:8

Eye Yehowa na Egipte-fia Farao ƒe dzime sẽ, ale bena wòti Israel-viwo yome; ke asi sesẽ kplɔ Israel-viwo dzoe.

2 Mose 20:2

Nyee nye Yehowa wò Mawu, si kplɔ wò tso kluvinyenyeƒe me le Egipte-nyigba dzi.

2 Mose 6:7

Mawɔ mi mianye nye dukɔ, eye manye miaƒe Mawu, eye miadze sii be, nyee nye Yehowa, miaƒe Mawu, amesi kplɔ mi le dɔ sesẽ la nu tso Egipte.

Yesaya 51:23

matsɔe ade asi na amesiwo wo funyafunya wò, amesiwo gblɔ na wò be: Bɔbɔ, ne míato dziwò ayi, wo wò mẽdome wòasɔ kple anyigba, eye wòanɔ, abe alesi mo le na edzitolawo ene.

Yesaya 9:3

Elabena èŋe woƒe agba ƒe kɔkuti, ati, si le woƒe kɔʋu me, kple wo kplɔlawo ƒe ati, abe Midian ŋɔli ene.

Yeremia 2:20

Elabena tso gbaɖegbe ke nèŋe wò kɔkuti, eye nètso wò kawo gblɔ bena, yemasubɔ o. Elabena ènye ahasitɔ mlɔ togbɛ kɔkɔwo katã dzi kple ati damawo katã gɔme.

Yeremia 28:2

Ale Yehowa Zebaot, Israel ƒe Mawu la, gblɔ esi: Maŋe Babel-fia ƒe kɔkuti.

Yeremia 28:4

Yehowa be: Makplɔ Yuda-fia Yexonya, Yoyakim vi, kple Yuda ƒe aboyome, siwo katã yi Babel la, agbɔ va teƒe sia; elabena maŋe Babel-fia ƒe kɔkuti.

Hezekiel 30:18

Ŋkeke ado viviti le Taxpanxes, ne meŋe Egipte ƒe atikplɔ, eye mena eƒe ŋusẽ ƒe adegbeƒoƒo nu tso; blukɔ atsyɔ eya ŋutɔ, eye woade aboyo eƒe duwo.

Hezekiel 34:27

Gbemeti atse ku, anyigba awu nu, eye woano woƒe anyigba dzi aɖe dzi ɖi, ne wòadze sii be, nyee nye Yehowa, ne meŋe woƒe kɔkuti, eye meɖe wo tso amesiwo wonye kluvi na la si me.

Hosea 11:4

Mede amegbetɔwo ƒe atagbi, si nyee lɔlɔ̃ka la wo he, mena na wo abe amesiwo ɖea kɔkuti le kɔ la ene, eye mena nuɖuɖu wo.

3 Mose 25:38

Nyee nye Yehowa, mia Mawu, si kplɔ mi tso Egipte-nyigba dzi, bena matsɔ Kanaan-nyigba na mi, eye manye miaƒe Mawu.

3 Mose 25:42

Nye dɔlawo wonye, amesiwo mekplɔ tso Egipte-nyigba dzi; womadzra wo, abe alesi wodzra kluviwo ene o.

3 Mose 25:55

Elabena nye dɔlawo nye Israel-viwo, amesiwo mekplɔ tso Egipte-nyigba dzi. Nyee nye Yehowa, mia Mawu!

Nahum 1:13

Azɔ maŋe eƒe kɔkutl ɖa le dziwò, eye matso eƒe kawo.