3 Mose 26:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Mazɔ mia dome, eye manye miaƒe Mawu, eye miawo mianye nye dukɔ.

Agbenya La

¹² Mazɔ le mia dome, manye miaƒe Mawu, eye miawo mianye nye amewo,

3 Mose 26:12 Mawu Ofanana

1 Mose 17:7

Eye maɖo nye nubabla anyi le mía kpli wò kple megbewòviwo katã dome, eye wòanye nubabla mavɔ, bena manye wò ŋutɔ kple megbewòviwo ƒe Mawu tegbee.

1 Mose 17:8

Eye matsɔ Kanaan-nyigba blibo la katã, si dzi nènye amedzro le la, na wò, be wòanye wò ŋutɔ kple megbewòviwo tɔ tegbee, eye manye Mawu na wo.

1 Mose 3:8

Eye esi wose Yehowa Mawu ŋkɔ le anyinufaɣi le abɔa me la, amea kple srɔ̃a woɣla wo ɖokui ɖe Yehowa Mawu ɖe abɔmetia ɖe te.

1 Mose 5:22

Esi wòdzi Metusala megbe la, Henox zɔ kple Mawu ƒe alafa etɔ̃, eye wòdzi ŋutsuwo kple nyɔnuwo.

1 Mose 5:24

Esi Henox zɔ kple Mawu ta la, ebu vĩ, elabena Mawu kplɔe dzoe.

1 Mose 6:9

Esia enye Noa ƒe dzidzimeviwo ŋutinya Noa enye ame dzɔdzɔe kple ame maɖifɔ le eŋɔlimetɔwo dome, eye Noa zɔ kple Mawu.

2 Samuel 7:7

Ŋkeke alesi menɔ Israel-viwo katã dome tsã la, ɖe megblɔ na Israel ƒe toawo dometɔa ɖe, si meɖo be, wòanyi nye dukɔ Israel la bena: Nukaŋuti mietu sedertixɔ nam oa?

Psalmowo 50:7

Nye dukɔ, see, mele nu ƒo ge; Israel, maɖi ɖase na wò be: Mawu, wò Mawu, menye!

2 Mose 29:45

Mana Israel-viwo dome, eye manye woƒe Mawu.

2 Mose 29:46

Eye wòadze sii be, nyee nye Yehowa, woƒe Mawu, si kplɔ wò tso Egipte-nyigba dzi, bena manɔ wo dome, nye Yehowa!

2 Mose 3:6

Eyome egblɔ be: Nyee nye fofowò ƒe Mawu, Abraham ƒe Mawu, Isak ƒe Mawu kple Yakob ƒe Mawu. Tete Mose tsɔ nu tsyɔ mo, elabena ele Mawu kpɔkpɔ yɔm.

2 Mose 6:7

Mawɔ mi mianye nye dukɔ, eye manye miaƒe Mawu, eye miadze sii be, nyee nye Yehowa, miaƒe Mawu, amesi kplɔ mi le dɔ sesẽ la nu tso Egipte.

Yesaya 12:2

Kpɔ ɖa, Mawu enye nye xɔname, dzi le ƒonye, nyemavɔ̃ o; elabena nye ŋusẽ kple nye hadzidzi enye Yehowa, ẽ, Yehowa, eye eya zu nye xɔname!

Yesaya 41:10

megavɔ̃ o, elabena meli kpli wò; ŋɔ megadzi wò o, elabena nyee nye wò Mawu, mali ke wo, makpe ɖe ŋuwò, eye matsɔ nye xoname ƒe nuɖusi alé wò.

Yeremia 11:4

nya, siwo mede asi na mia fofowo le gbesigbe mekplɔ wo tso Egipte-nyigba dzi, tso gakpo me, gblɔ bena: Ne míese nye gbe, eye miewɔ, abe alesi mede se na mi ene la, ekema mianye nye dukɔ, eye manye miaƒe Mawu,

Yeremia 30:22

Mianya dukɔ nam, eye ma nye Mawu na mi.

Yeremia 31:33

ke boŋ nusi mele babla ge kple Israel ƒe aƒe la le ŋkeke siawo megbe la, enye esi: Matsɔ nye se la ade woƒe dɔ me, eye maŋlɔe ɖe woƒe dzi ŋu, manye Mawu na wo, eye woawo nanye nye dukɔ, Yehowa ye gblɔe.

Yeremia 32:38

woanye dukɔ nam, eye manye Mawu na wo.

Yeremia 7:23

Ke boŋ nya siae metsɔ de se na wo be: Mise nye gbe, ne manye miaƒe Mawu, eve miawo mianye nye dukɔ, eye mizɔ nye mɔ, si meɖo na mi la dzi, be eme nanyo na mi.

Hezekiel 11:20

ne woazɔ ɖe nye ɖoɖowo nu, eye woalé nye sewo me ɖe asi ahawɔ wo dzi, woanye dukɔ nam, eye manye Mawu na wo.

Hezekiel 36:38

Alesi ale, siwo ŋu wokɔ, kple alesi alẽ nɔa Yerusalem le ŋkekenyuieɖuɣii la, nenema amehawo ayɔ du ɖi aƒedo la mee, eye wòadze sii be, nyee nye Yehowa.

Yoel 2:27

Eye miadze si be, mele Israel dome, nyee nye Yehowa, mia Mawu la, ɖeke mekpe ɖe ŋunye o; eye ŋu magakpe nye dukɔ akpɔ gbeɖe o.

Zekaria 13:9

Matso akpa etɔ̃liawo ɖeka aɖe dzo me ahalóloe, abe alesi wolóloa klosalo ene, eye madoe akpa, abe alesi wodoa sika kpɔna ene Woayɔ nye ŋkɔ, eye matɔ na wo; magblɔ be: Nye dukɔ nye esi, eye woawo agblɔ be: Yehowa enye nye Mawu!

4 Mose 5:3

Woaɖo wo ɖe asaɖa la godo, eɖanye ŋutsu alo nyɔnu o, bena womagagblẽ kɔ ɖo na woƒe asaɖa, si me mele le wo dome la o.

Mateo 22:32

„Nye enye Abraham ƒe Mawu, Isak ƒe Mawu kple Yakob ƒe Mawu“ la o mahã? Menye ame kukuwo ƒe Mawu wònye o, ke boŋ ame gbegbewo toe.

2 Korintotɔwo 6:16

Alo ɖekawɔwɔ kae le mawuxɔ kple trɔ̃wo domea? Elabena miawoe nye Mawu gbagbe la ƒe xɔ, abe alesi Mawu gblɔ ene bena: „Manɔ wo dome, eye mazɔ wo dome, eye manye Mawu na wo, eye woawo hã woanye nye dukɔ.

5 Mose 23:14

Eye nakpa ati gbabɛ akpe ɖe wò aʋawɔnuwo ŋu, eye ne èle afɔdzi de ge la, natsɔe aɖe ɖoe, emegbe natsɔe axe ke ɖe edzi.

5 Mose 23:15

Elabena Yehowa, wò Mawu, le yiyim le wò asaɖa la me, bena woaxɔ na wò, eye wòatsɔ wò futɔwo aɖe asi na wò. Eyata wò asaɖa nanɔ kɔkɔe, ne magakpɔ fenua ɖeke, eye wòatrɔ adzo le gbɔwò o.

Hebritɔwo 11:16

Ke azɔ la denyigba, si nyo wu la, le wo dzrom, esia nye dziƒo tɔ. Eyata ŋu mekpe Mawu le wo ŋuti be, wòyɔe be woƒe Mawu o; elabena edzra du ɖo na wo.

Nyaɖeɖefia 2:1

Ŋlɔ ɖo ɖe hame, si le Efeso la, ƒe dɔla bena: Amesi lé ɣletivi adre ɖe eƒe nuɖusi, amesi le sikakaɖiti adreawo titina zɔm la, eyae gblɔ esiawo bena:

Nyaɖeɖefia 21:7

Amesi ke ɖu dzi la, anyi nusiawo ƒe dome, eye manye eƒe Mawu, eye eya hã anye vinye.