3 Mose 19:23 - Biblia alo Ŋɔŋlɔ Kɔkɔe La Le Eʋegbe Me 1913

²³ Ne mieva anyigba la dzi, eye mieɖo ati vovovowo, siwo ƒe tsetse woɖuna la, ekema mibu woƒe tsetse abe bolobolotɔwo ene. Ƒe atɔ̃ sɔŋ miabu wo abe bolobolotɔwo ene, eye miaɖu wo o.

Agbenya La

²³ “ ‘Ne mieva ɖo anyigba la dzi, eye miedo kutsetseti ƒomevi vovovowo la, migaɖu ƒe gbãtɔ etɔ̃awo ƒe tsetseawo o, elabena wole abe nu siwo ŋu wogbe nu le ene. Womaɖu wo o.

3 Mose 19:23 Mawu Ofanana

2 Mose 6:12

Eye Mose ɖo ŋu na Yehowa bena: Esi Israel-viwo mele to ɖomem o la, aleke Farao aɖo to nye amesi nu menya ƒona na o la!

2 Mose 6:30

Ke Mose gblɔ na Yehowa bena: Nu menya ƒona nam o; aleke awɔ Farao aɖo to nye gbe?

Yeremia 6:10

Ameka maƒo nu na, eye maɖi ɖase na, be woasee? Kpɔ ɖa, woƒe to meŋɔ, ne woalé to ɖe nya ŋu o. Kpɔ ɖa, Yehowa ƒe nya zu alɔmeɖenu na wo, eƒe nu medze wo ŋu o.

3 Mose 12:3

Eye le ŋkeke enyiagbe la woatso eƒe aʋanuyi ɖa.

3 Mose 14:34

Ne miava Kanaan-nyigba, si matsɔ na mi wòanye mia tɔ la dzi, eye mana anyi nado ɖe xɔa ɖe ŋu le anyigba, si nye mia tɔ dzi la,

3 Mose 19:22

Eye nunɔla natsɔ fɔɖivɔsagbo lã alé avu nɛ le Yehowa ŋku me, le eƒe nuvɔ̃, si wòwɔ la ta; ekema woatsɔ eƒe nuvɔ̃, si wòwɔ la, akee.

3 Mose 19:24

Le ƒe enelia me la woƒe tsetsewo katã ŋu ko, bena woatso akafu Yehowa.

3 Mose 22:27

Ne wodzi nyi, alẽ alo gbɔ̃via ɖe la, wòanɔ ɖada gbɔ ŋkeke adre; ke ne exɔ ŋkeke enyi alo wu nenema, eye wotsɔe sa dzovɔ na Yehowa la, woaxɔe.

3 Mose 23:14

Ke miekpɔ mɔ aɖu abolo, bli tɔtɔe alo blitimu o, vaseɖe gbesigbe miasa vɔ na mia Mawu. Ɖoɖo mavɔ wòanye na mi kple miaƒe dzidzimeviwo le mia nɔƒewo katã.

Dɔwɔwɔwo 7:51

Mi kɔlialiatɔwo kple amesiwo ƒe dzi kple to sẽ, ɖaa mietsi tre ɖe Gbɔgbɔ kɔkɔe la ŋu; alesi mia fofowo wɔ la, nenema ke wɔm miawo hã miele.