3 Mose 19:16 - Biblia alo Ŋɔŋlɔ Kɔkɔe La Le Eʋegbe Me 1913

¹⁶ Meganye sakplitɔ nɔ yiyim le wò dukɔ me viwo dome o; eye megaka ɖe dzi, be woatso kufia na hawòvi o. Nyee nye Yehowa!

Agbenya La

¹⁶ “ ‘Mèganye sakplisala anɔ yiyim le wò dukɔ me o. “ ‘Mègade nɔviwò asi be woatso kufia nɛ o, elabena nyee nye Yehowa.

3 Mose 19:16 Mawu Ofanana

Hiob ƒe Agbalẽ 17:5

Amesi tsɔ xɔlɔ̃wo ɖe awɔba me la, viawo ƒe ŋkuwo atsi.

Psalmowo 101:5

Amesi lia ehavi ŋu le adza me la, matsrɔ̃e ɖa; amesi dadaŋku le ta nɛ, eye eƒe dzi vu gbloto la, mia kplii ƒe ŋɔlime meƒo go o.

Psalmowo 15:3

amesi metsɔa eƒe ade zɔa eme gɔmee o, mewɔa vɔ̃ ɖe ehavi ŋu o, eye medea ŋukpe mo na xɔlɔ̃via o;

Psalmowo 50:20

Ebɔbɔ nɔ anyi le nu ƒom le nɔviwò ŋu, eye nèle aɖeɖi ƒom dawòvi.

2 Mose 20:16

Megaɖi aʋatsoɖase le hawòvi ŋuti o.

2 Mose 23:1

Megasa sakpli o. Wò nu meganɔ ŋutasẽla ƒe nya me, be nazu aʋatsoɖaseɖila o.

2 Mose 23:7

Ɖe nu le aʋatsonyawo me; megawu amesi ƒe nya dzɔ, eye meɖi fɔa ɖeke o la o, elabena nyematso afia na ame vɔ̃ɖi o.

Lododowo 10:18

Amesi léa fu ame le adzame la, alakpanue; eye amesi ha ame gɔme la, bometsilae.

Lododowo 11:13

Amegɔmezɔla nua go nya ɣaɣla, ke nyateƒetɔ ɣlaa nya.

Lododowo 20:19

Amesi nye sakplitɔ le yiyim la, nua go nya ɣaɣla; eyata megaɖe ha kple nu kpoli ƒola o.

Yeremia 6:28

Aglãdzelawo ƒe aglãdzelawo, ame gɔmezɔlawo, akɔbli kple gayibɔe wo katã wonye, nugblẽlawo nye wo katã tim.

Yeremia 9:4

Amesiame flua ehavi, eye wometoa nyateƒe o; wona alakpadada ma woƒe aɖe, eye wokua kutri le nu tovo wɔwɔ me.

Hezekiel 22:9

Ame gɔmezɔlawo le mewò, ne woakɔ ʋu ɖi, woɖua nu le towo dzi le mewo, eye wowɔa ŋukpenanu le mewo.

Mateo 27:4

Mewo nuvɔ̃ be, mede ʋu maɖifɔ asi. Ke woawo gblɔ bena: Mía gbɔ nya kae wotsoa? Wò ŋutɔ kpɔ edzi!

5 Mose 27:25

Amesi na woɖae be, wòawu ame ahakɔ ʋu maɖifɔ ɖi la, aɖi eŋu! Eye dukɔ blibo la naɖo ŋu be: Neva me nenema!

1 Timoteo 3:11

Nenema ke nyɔnuwo hã nalé wo ɖokui nyuie: Woaganye ameŋuzɔlawo o, woanye amè ɖɔŋuɖowo, nuteƒewɔlawo le nusianu me.

2 Timoteo 3:3

amesiwo melɔ̃a ame ƒe nya o, amesiwo gbea avuléle, ameŋuzɔlawo, amesiwo mete ŋu ɖua wo ɖokui dzi o, ame wɔadãwo, amesiwo melɔ̃a nu nyui o,

Tito 2:3

Nenema ke nyɔnu tsitsiwo hã nanɔ anyi, abe alesi wòdze nyɔnu kɔkɔewo ene: Wòaganye ameŋuzɔlawo o, wòaganye aha geɖe nola wo o; ke boŋ woanye nu nyui fialawo,

1 Petro 2:1

Eyata miɖe vɔ̃ɖinyenye katã kple aɖaŋu vɔ̃ katã kple alakpadada kple ŋuʋaʋã kple ameŋuzɔzɔ katã ɖa,

1 Samuel 24:10

Eye Dawid gblɔ na Saul bena: Nukaŋuti nèle amegbetɔ ƒe gbe sem be, Dawid le wò vɔ̃ ɖim?