3 Mose 19:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ Megaxa wò weingblemenuwo ƒiaƒiaƒia o, eye megafɔ tsetse, siwo dudu ɖe anyi hã o: ke boŋ gblẽ wo ɖi na ame dahewo kple amedzrowo. Nyee nye Yehowa, mia Mawu!

Agbenya La

¹⁰ Miwɔ nenema ke le miaƒe wain tsetsewo hã gome. Migagbe kutsetseawo katã o, eye migafɔ esiwo ge ɖe anyigba hã o. Migblẽ wo ɖi na ame dahewo kple amedzro siwo le mia dome, elabena nyee nye Yehowa, miaƒe Mawu.

3 Mose 19:10 Mawu Ofanana

Yesaya 17:6

Kutsetse akpɔtɔ ɖe edzi hena nu dzɔdzɔe fɔlawo, abe alesi wogbea amitii ene, kutsetse eve alo etɔ̃ tsia eƒe ɖɔ mee, wo ame ene alo atɔ̃ nɔa ati tseku la ƒe alɔwo me, Yehowa Israel ƒe Mawu la gblɔe.

Yesaya 24:13

Elabena alea wòanɔ le anyigba dzi le dukɔwo dome, abe alesi wogbea amititsetse kple alesi woxaa nu mlɔea, ne weinxaxa nu va yi ene.

Yeremia 49:9

Ne weintsetsexalawo ƒo ɖe dziwò la, womasusɔ mamlea ɖeke ɖi o; ne fiafitɔwo va le zã me la, woagblẽ nu, vaseɖe esime wòati kɔ na wo.

3 Mose 11:44

Elabena nyee nye Yehowa, miaƒe Mawu. Eyata miwɔ mia ɖokui kɔkɔe, eye mianɔ kɔkɔe, elabena kɔkɔetɔ menye; migatsɔ anyigbadzilã suewo gblẽ kɔ ɖo na mia ɖokui o.

3 Mose 19:11

Migafi fi o, migasẽ nu o, eye amea ɖeke megable nɔvia o.

3 Mose 19:25

Ke le ƒe atɔ̃lia me miekpɔ mɔ aɖu woƒe tsetsewo, bena woatse ɖe dzi na mi geɖe. Nyee nye Yehowa, mia Mawu!

3 Mose 19:9

Ne mieŋe nukuwo le miaƒe agble me la, ekema megaŋe wo vaseɖe boto ke o, eye megafɔ nusiwo dudu la o.

3 Mose 23:22

Ne mieŋe nu le miaƒe anyigba dzi la, migaŋe nukuawo vaseɖe boto ke o, eye migafɔ nusiwo dudu de anyi o; ke boŋ migblẽ wo di na ame dahewo kple amedzrowo. Nyee nye Yehowa, mia Mawu!

3 Mose 25:6

Gake miaɖu nuku, siwo miede edzi le anyigba ƒe gbɔɖemeɣi la me la, wò ŋuta, wò kluvi kple wò kosi, wò agbatedɔwɔla kple amedzro, si le gbɔwò,

Obadia 1:5

Nenye fiawo kple adzodalawoe ƒo ɖe dziwò le zã la, ɖe womafi nu alesi ko asu wo nu oa? Ke aleke wòa nèhetsrɔ̃e! Nenye weinxalawoe ƒo ɖe dziwò la, ɖe womakpɔtɔ ɖe ɖi oa?

Mika 7:1

Baba nam! Elabena ezu nam, abe alesi kutsetsegbeɣi kple weiuxaɣl nu yinae ene: weintsetsea ɖeke meli, ne woaɖu o, eye nye ve me le fiefiẽm ɖe kutsetse ŋgɔgbea ŋu.

5 Mose 24:19

Ne eŋe nu le wò agble me, eye neŋlɔ bablaa ɖe be ɖe agblea me la, ekema megagbugbɔ yi, be natsɔe o, ke boŋ amedzro, tsyɔ̃evi kple ahosiwo tɔ wònye, ne Yehowa, wò Mawu, nayra wò le wò asinudɔwo katã me?

5 Mose 24:20

Ne ègbe kutsetsewo le wò amiti dzi la, megava tsa le eme ƒiaƒiaƒia o, ke boŋ amedzro, tsyɔ̃evi kple ahosiwo tɔ wònye.

5 Mose 24:21

Ne èxa nu le wò weingble me la, megava tsa le eme ƒiaƒiaƒia o, ke boŋ amedzro, tsyɔ̃evi kple ahosiwo tɔ wònye.

Ɖelawo 8:2

Ke eɖo ŋu na wo bena: Ɖe miawo miewɔ wum oa? Ɖe Efrayim ƒe weinxaxa mlɔetɔ menyo wu Abieser ƒe weinxaxa blibo la oa?

Rut ƒe agbalẽ 2:2

Eye Rut, Moab-nyɔnu la, gblɔ na Naomi bena: Mayi agble me aɖafɔ lu dzɔdzɔewo le amesi ave nunye la yome. Eye wògblɔ ne bena: Heyi, vinye!