3 Mose 16:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Eye Aron nadzidze nu ɖe gbɔ̃tsu eveawo dzi, dzidze ɖeka nadze Yehowa dzi, eye dzidze ɖeka nadze Asasel dzi.

Agbenya La

⁸ eye wòadzidze nu, anya gbɔ̃tsu si nye Yehowa tɔ kple esi nye Azazel tɔ, si ŋu wòaɖe asi le.

3 Mose 16:8 Mawu Ofanana

Lododowo 16:33

Woda dzidzenu ɖe akɔme, ke Yehowa me nye emetsotso katã.

Hezekiel 48:29

Esia nye anyigba, si dzi miadzidze nu ɖo wòanye domenyinu na Israel ƒe toawo, eye esia nye woƒe gomewo, Aƒetɔ Yehowa ye gblɔe.

3 Mose 16:10

Ke wòatsɔ gbɔ̃tsu, si dzi Asasel ƒe dzidze dze la, ado Yehowa ŋku me agbagbe, eye wòaɖe nuvɔ̃ atrɔ ɖe edzi anyae aɖo ɖe Asasel gbɔ le gbedzi.

3 Mose 16:26

Amesi kplɔ gbɔ̃tsu la ɖo ɖe Asasel gbɔ la, nanyã eƒe avɔwo, eye wòale tsi, emegbe hafi wòkpɔ mɔ ava asaɖa la me.

3 Mose 16:7

Eyome wòatsɔ gbɔ̃tsu eveawo aɖo Yehowa ƒe ŋku me le Mawu ƒe agbadɔ la nu.

3 Mose 16:9

Eye Aron natsɔ gbɔ̃tsu, si dzi Yehowa ƒe dzidze dze la, asa nuvɔ̃vɔe.

Yona 1:7

Eye wogblɔ na wo nɔewo bena: Mina míadzidze nu, ne míakpɔ amesi ta dzɔgbevɔ̃e sia dza de mía dzi ɖo la! Tete wodzidze nu, eye nudzidze la dze Yona dzi.

4 Mose 26:55

Ke woadzidze nu hafi amã anyigba la, eye woaxɔ domenyinu la ɖe wo fofowo ƒe toawo ƒe ŋkɔwo nu.

4 Mose 33:54

Miadzidze nu ɖe anyigba la dzi amãe ɖe miaƒe ƒomeawo nu; miana domenyinu la amesiwo sɔ gbɔ la, wòalolo, eye amesiwo le ʋee la, ƒe domenyinu nanɔ ʋee. Teƒe, si dzi nudzidze la dze nɛ la, afima woaxɔ; mianye ɖe mia fofowo ƒe toawo nu.