3 Mose 10:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Migadzo le Mawu ƒe agbadɔ la nu, bena miaku o, elabena Yehowa ƒe ami le mia ŋu. Eye wowɔ, abe alesi Mose gblɔ ene.

Agbenya La

⁷ Ke miawo ya la, mele be miadzo le Agbadɔ la nu o. Ne miedzo la, miaku elabena Yehowa ƒe ami si wosi na mi la gale mia dzi.” Eye wowɔ se si Mose de na wo la dzi.

3 Mose 10:7 Mawu Ofanana

2 Mose 28:41

Ɖo atsyɔ̃ na nɔviwò Aron kple viaŋutsuwo, eye nasi ami na wo, aɖo wo, eye nawɔ wo kɔkɔe, bena woanye nunɔlawo asubɔm.

2 Mose 29:7

Tso ami ko ɖe eƒe tame, eye nasi ami ne.

2 Mose 30:30

Eye nasi ami na Aron kple viaŋutsuawo awɔ wo kɔkɔe, bena woazu nunɔlawo asubɔm.

3 Mose 10:8

Eye Yehowa gblɔ na Aron bena:

3 Mose 21:12

Mado go le kɔkɔeƒe la o, bena magagblẽ kɔ ɖo na eƒe Mawu ƒe kɔkɔeƒe la o, elabena eƒe Mawu ƒe ami sisi kɔkɔe le eŋu Nyee nye Yehowa!

3 Mose 8:12

Eye wòkɔ ami sisi la ƒe ɖe ɖe Aron ƒe tame hesi ami ne, be wòako eŋu.

3 Mose 8:30

Eye Mose tsɔ ami sisi la kple nu, si le vɔsamlekpuia dzi la, ƒe ɖe wu ɖe Aron kple eƒe awuwo kpakple viaŋutsuawo kple woƒe awuwo ŋu; ale wòkɔ Aron kple eƒe awuwo kpakple viaŋutsuawo kple woƒe awuwo ŋu.

Luka 9:60

Ke egblɔ ne bena: Na ame kukuawo naɖi woa ŋutɔwo ƒe kukuawo; ke wò la yi ɖagblɔ mawufiaɖuƒe la fia.

Dɔwɔwɔwo 10:38

Yesu, Nazaretetɔ la, alesi Mawu tsa Gbɔgbɔ kɔkɔe la kple ŋusẽ hesi nɛ, amesi tsa hele nu nyui wɔm, eye wòda gbe le amesiwo katã dzi Abosam ɖu la ŋu, elabena Mawu li kplii.

2 Korintotɔwo 1:21

Ke amesi li ke mia kple miawo ɖe Kristo me, eye wòsi ami na mí la, enye Mawu;