3 Mose 10:2 - Biblia alo Ŋɔŋlɔ Kɔkɔe La Le Eʋegbe Me 1913

² Tete dzo tso Yehowa gbɔ va fiã wo, eye woku ɖe Yehowa ƒe ŋku me.

Agbenya La

² eya ta dzo tso Yehowa gbɔ, eye wòtsrɔ̃ wo; ale woku le Yehowa ŋkume.

3 Mose 10:2 Mawu Ofanana

2 Samuel 6:7

Ke Yehowa do dɔmedzoe ɖe Usa ŋu, eye Mawu ƒoe ƒu afima ɖe Mawu ƒe aɖaka la xa.

1 Fiawo 13:28

Esi wòyi la, ekpɔ eƒe kukua le mɔ dzi, eye tedzia kple dzata la tsi tre ɖe ame kuku la gbɔ; dzata la meɖu ame kuku la o, eye mevuvu tedzi la hã o.

1 Fiawo 18:38

Tete dzo tso Yehowa gbɔ va fiã vɔsalã la, nakeawo, kpeawo kple anyigba, eye wòɖuɖɔ tsi, si le ʋea me hã keŋkeŋ.

2 Fiawo 1:10

Tete Eliya ɖo ŋu gblɔ na ame blaatɔ̃wo ƒe amegã bena: Nenye Mawu ƒe amee menye la, ekema dzo netso dziƒo, ne wòafiã mia kple wò ame blaatɔ̃awo! Tete dzo tso dziƒo hefiã eya kple eƒe ame blaatɔ̃awo.

2 Fiawo 1:12

Eliya ɖo ŋu gblɔ nɛ bena: Nenye Mawu ƒe amee menye la, ekema dzo netso dziƒo, ne wòafiã mia kple wò ame blaatɔ̃awo! Tete Mawu ƒe dzo tso dziƒo hefiã eya kple eƒe ame blaatɔ̃awo.

1 Kronika 13:10

Tete Yehowa ɖo dɔmedzoe ɖe Uza ŋu, eye wòƒoe, le esi wòdo eƒe asi ɖa lé aɖaka la ta, eye woku le afima le Mawu ŋku me.

1 Kronika 15:13

Elabena esi mieno eteƒe gbemagbe o la, eyata Yehowa, mía Mawu, ɖe ame le mía dome, elabena míebia gbee se, abe alesi dze ene o.

1 Kronika 24:2

Ke Nadab kple Abihu wotre kuku na wo fofo, eye viŋutsua ɖeke menɔ wo si o, eyata Eleazar kple Itamar wòzu nunɔlawo.

Hiob ƒe Agbalẽ 1:16

Esi amesia gale nuƒoƒo dzi la, ame bubu va gblɔ bena: Mawu ƒe dzo ge tso dziƒo dze alẽawo kple dɔlaawo dzi hefiã wo, eye nye ɖeka koe kpɔtɔ, be meva gblɔe na wò.

Psalmowo 50:3

Mía Mawu gbɔna, ɖoɖoe mazi le eŋu o, dzo le nu bim le eŋgɔ, eye ahom sesẽ ɖe to ɖee.

2 Mose 24:1

Eye wògblɔ na Mose bena: Lia toa va Yehowa gbɔ, wò ŋutɔ kple Aron, Nadab kple Abihu kpakple Israel-me tsitsiawo dome ame blaadre, eye míado gbe ɖa le adzɔge.

Yesaya 30:33

Elabena wodzra dzotɔƒe ɖo ɖi xoxo, fiawo hãe wodzrae ɖo ɖi na, eye wògoglo hekeke; dzo kple nake li kpaŋkpaŋ hekpe ɖe eƒe nakekɔwo ŋu; Yehowa ƒe gbagba enye aŋɔtoʋu, si ato dzoe.

3 Mose 10:5

Tete wova, eye wokɔ wo yi ɖe asaɖa la godo, eye awutewui ʋlayawo le wo ŋu, abe alesi Mose gblɔ ene.

3 Mose 16:1

Esi Aron viŋutsu eveawo te ɖe Yehowa ŋu, eye woku megbe la, Yehowa ƒo nu kple Mose.

3 Mose 9:24

Eye dzo tso Yehowa gbɔ fiã numevɔsalã kple amiawo le vɔsamlekpui la dzi. Dukɔ blibo la kpɔe, eye wotso aseye hetsyɔ mo anyi.

4 Mose 14:37

eye woku, le esi wode ŋɔdzi anyigbaa ŋu la ta.

4 Mose 16:35

Eye dzo tso Yehowa gbɔ fiã ŋutsu alafa eve blaatɔ̃, siwo tsɔ dzudzɔdonu ve la.

4 Mose 26:61

Ke Nadab kple Abihu ku, elabena wotsɔ dzo bubu va Yehowa ŋku me.

Dɔwɔwɔwo 5:10

Tete wòdze anyi enumake ɖe eƒe afɔ nu, eye eƒe agbe nu tso. Eye esi ɖekakpuiawo va me la, wokpɔ bena, eku, eye wotsɔe do go ɖaɖi ɖe srɔ̃a gbɔ.

Dɔwɔwɔwo 5:5

Ke esi Anania se nya siawo la, edze anyi, eye eƒe agbe nu tso. Eye vɔvɔ̃ gã dze amesiwo katã se nusiawo la dzi.

1 Korintotɔwo 10:11

Ke nusiawo katã va ame mawo dzi abe kpɔɖeŋu ene, eye woŋlɔe ɖi, bene wòanye nuxɔxlɔ̃ hena mí amesiwo dzi xexe sia me ƒe nuwuwu va ɖo la.

1 Samuel 6:19

Eye wowu amewo le Bet-Semestɔwo dome, elabena wokpɔ Yehowa ƒe aɖaka la. Ewu ame akpe blaatɔ̃ kple blaadre le dukɔ la dome. Tete dukɔ la fa konyi, elabena Yehowa wu amewo le dukɔ la dome ŋutɔ.