2 Samuel 6:16 - Biblia alo Ŋɔŋlɔ Kɔkɔe La Le Eʋegbe Me 1913

¹⁶ Esi Yehowa ƒe aɖaka la va Dawid ƒe dua me la, Saul vinyɔnu Mixal le fesre nu kpɔ Dawid le kpo tim hele ɣe ɖum le Yehowa ŋku me, eye woɖu fewu le eŋu le eƒe dzi me.

Agbenya La

¹⁶ Esi Yehowa ƒe nubablaɖaka la va ɖo David ƒe du la me la, Mixal, Saul ƒe vinyɔnu kpɔ Fia David to fesre to wònɔ kpo tim, nɔ ɣe ɖum le Yehowa ŋkume eye Mixal ɖu fewu le David ŋu le eƒe dzime.

2 Samuel 6:16 Mawu Ofanana

2 Samuel 3:14

Tete Dawid dɔ amewo ɖo ɖe Saul vi Is-Boset, ne woagblɔ nɛ be: Kplɔ srɔ̃nye Mixal, si metsɔ Filistitɔwo ƒe aʋanuyi alafa ɖeka ɖe la, vɛ nam!

2 Samuel 5:7

Ke Dawid xa Zion-mɔ̃ la, eya nye Dawid ƒe du.

2 Samuel 6:15

Eye Dawid kple Israel ƒe aƒe blibo la te aseye tsom le kpẽ kum hetsɔ Yehowa ƒe aɖaka la yii.

2 Samuel 6:20

Esi Dawid yi gbe do ge na eƒemetɔwo la, tete Saul vinyɔnu Mixal va kpe Dawid gblɔ bena: Aleke gbegbe Israel-fia de bubu eɖokui ŋu heɖe ama le eteviwo ƒe dɔlanyɔnuwo ŋku me egbe, abe alesi yakamewo ɖea amae ene!

1 Kronika 15:29

Esi Yehowa ƒe nubablaɖaka la ɖo Dawid ƒe dua me la, Mixal, Saul vinyɔnu, do ko ɖe fesre nu kpo alesi fia Dawid le kpo tim le ɣe ɖumee; tete woɖu fewu le eŋu le eƒe dzi me.

Psalmowo 123:3

Ve mía nu, Yehowa, ve mía nu, elabena vlododo ɖi ƒo na mí ŋutɔ.

Psalmowo 69:7

Aƒetɔ. Yehowa Zebaot, ŋu megakpe amesiwo le mɔ kpɔm na wò la, le tanye o! Israel ƒe Mawu, amesiwo dia wò la, ƒe mo megatsi dã o!

Yesaya 53:3

Amegbetɔwo do vloe, eye wogbee, ŋutsu kpehiã kple amesi dzi dɔléle le la wònye, wodo vloe abe amesi ta wotsyɔ nu ŋku me ɖo la ene, eye míebui ɖe naneke me o.

Dɔwɔwɔwo 2:13

Ke bubuwo le alɔme ɖem ɖe wo ŋu gblɔ bena: Aha yeye le wo mum.

1 Korintotɔwo 2:14

Ke dzɔdzɔmeme mexɔa Mawu ƒe Gbɔgbɔ la ƒe nuwo o, elabena wonye bometsinuwo nɛ, eye mate ŋu adze sii o, elabena Gbɔgbɔ wotsɔna kpɔa eme.

1 Samuel 18:17

Eye Saul gblɔ na Dawid bena: Kpɔ ɖa, matsɔ vinyenyɔnu xoxoetɔ Merab na wò naɖe; nye kalẽtɔ nam ko, eye wɔ Yehowa ƒe aʋa wo! Ke Saul gblɔ be: Matsi ye si me o, boŋ netsi Filistitɔwo si me!

1 Samuel 18:20

Gake Saul ƒe vinyɔnu Mixal lɔ̃ Dawid ƒe nya; esi wova gblɔe na Saul la, ma la dze eŋu.