2 Samuel 24:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Ke esi fia ta tsi eƒe nya la dzi na Yoab kple aʋakplɔlawo la. Yoab kple aʋakplɔlawo dzo le fia la gbɔ, be woaɖaxlẽ Israel-dukɔ la.

Agbenya La

⁴ Ke fia la ƒe nya ɖu Yoab kple aʋafia bubuawo tɔ dzi ale wodzo le fia la ŋkume be woaɖaŋlɔ ŋutsu siwo katã ate ŋu ayi aʋa le Israel la ƒe ŋkɔ.

2 Samuel 24:4 Mawu Ofanana

2 Samuel 24:3

Yoab ɖo ŋu na fia la bena: Ne Yehowa na dukɔ la dzi ɖe dzi zi alafa wu alesi wole, be nye aƒetɔ fia nakpɔe kple eƒe ŋkuwo hã la, nukaŋuti nye aƒetɔ fia le nusia tɔgbe dim ma?

2 Samuel 24:5

Eye wotso Yordan heva ƒu asaɖa anyi ɖe Aroer, ɖe du, si le bali la me ƒe ɖusi me, ɖo la Gad kple Yaezer lɔƒo.

1 Kronika 21:4

Ke esi fia la tsi eƒe nya la dzi na Yoab la, Yoab yi ɖatsa le Israel blibo la, eye wògbɔ va Yerusalem.

2 Mose 1:17

Ke vixelawo vɔ̃ Mawu, eye womewɔ se, si Egipte-fia de na wo la dzi o, boŋ wona ŋutsuviawo nɔ agbe.

2 Mose 30:12

Ne ètia Israel-viwo xlẽ la, ekema amesiwo netia la, naxe fe ɖe woƒe agbe ta, bena dɔ vɔ̃ɖia ɖeke magaɖo wo dome, le esi woxlẽ wo la ta o.

Nyagblɔla 8:4

Esi wònye ŋusẽ le fia ƒe nya ŋu ta la, ameka agblɔ nɛ be: Nuka wɔm nele?

Dɔwɔwɔwo 5:29

Eye Petro kple apostoloawo ɖo ŋu gblɔ bena: Ele be, wòabu Mawu awu amewo.