2 Samuel 22:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Dzudzɔ de dzi tso eƒe ŋɔti me, dzo tso eƒe nu me fiã nu, eye aka lé dzo tso egbɔ.

Agbenya La

⁹ Dzudzɔ do tso eƒe ŋɔtime; dzo ƒe aɖewo do tso eƒe nu me eye dzoka xɔxɔwo kplɔe ɖo.

2 Samuel 22:9 Mawu Ofanana

2 Samuel 22:13

Dzoka xɔxɔwo do tso keklẽ me le eŋgɔ.

2 Samuel 22:16

Tete atsiaƒu gɔme dze, eye anyigba ƒe anyinɔwo tsi go to Yehowa ƒe ŋɔdzidodo kple eƒe ŋɔti me gbɔgbɔ me.

Hiob ƒe Agbalẽ 4:9

Mawu ƒe ƒuƒu gblẽ wo dome, eye eƒe dɔmedzoe gbɔgbɔ na wo nu yi.

Psalmowo 18:15

Eɖo ete aŋutrɔwo ɖa wokaka wo me, kple dzikedzo geɖe ɖa wotɔtɔ wo.

Psalmowo 18:8

Tete anyigba ʋanya, eye wòʋuna, towo ƒe anyinɔwo ʋuʋu, eye wodzo kpekpekpe, elabena dzi kui.

2 Mose 19:18

Eye dzudzɔ bia Sinai-to blibo la, elabena Yehowa ɖi va edzi le dzo me; eye dzudzɔ la ɖe dzi abe aŋɔɖaƒe dzudzɔ ene, eye to blibo la le ʋuʋum ŋutɔ.

2 Mose 24:17

Eye Yehowa ƒe ŋutikɔkɔe dze na Israel-viwo le toa tame abe dzobibi ene.

Yesaya 30:27

Kpɔ ɖa, Yehowa ƒe ŋkɔ tso adzɔge gbɔna, eƒe dɔmedzoe le bibim, eye wòde dzi kɔtɔɔ; eƒe nuyiwo dzi yɔ fũ kple dziku, eƒe aɖe le abe dzo binu ene;

Yesaya 30:33

Elabena wodzra dzotɔƒe ɖo ɖi xoxo, fiawo hãe wodzrae ɖo ɖi na, eye wògoglo hekeke; dzo kple nake li kpaŋkpaŋ hekpe ɖe eƒe nakekɔwo ŋu; Yehowa ƒe gbagba enye aŋɔtoʋu, si ato dzoe.

Yeremia 15:14

eye mana nasubɔ wò futɔwo le anyigba, si mènya o la dzi. Elabena dzo le bibim le nye dɔmedzoe me, miawo ŋue wòle bibim ɖo.

Yeremia 5:14

Eyata ale Yehowa, Mawu Zebaot gblɔ esi: Esi miele nu ƒom alea la, eyata kpɔ ɖa, mana nye nya, si le nuwo la, nanye dzo, eye dukɔ sia nanye nake, ne wòafiã wo.

Habakuk 3:5

Dɔvɔ̃ dze eŋgɔ, eye dzoxɔxɔ kplɔe ɖo.

5 Mose 32:22

Elabena nye ŋɔti me lé dzo, eye wòle bibi ge aɖe tsiẽƒe ke, afiã anyigba kple nusiwo wɔna le edzi, eye wòafiã towo ƒe gɔmegɔmea.

Hebritɔwo 12:29

Elabena mía Mawu hã nye dzo, si fiãa nu.