2 Samuel 21:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Eye do to le Dawid ŋɔli ƒe etɔ̃ sɔŋ Ira ɖe enu; eye Dawid do gbe ɖa na Yehowa. Tete Yehowa gblɔ bena: Saul kple eƒe aƒe la ɖe hlɔ̃fe, elabena ewu Gibeontɔwo.

Agbenya La

¹ Dɔ to ƒe etɔ̃ sɔŋ le David ƒe fiaɖuɣi. David do gbe ɖa na Yehowa ɖe eta eye Yehowa gblɔ na David be, “Dɔ sia to le Saul kple eƒe ƒometɔwo ƒe nu vɔ̃wo ta elabena wowu Gibeontɔwo.”

2 Samuel 21:1 Mawu Ofanana

1 Mose 12:10

Eye do to le anyigba la dzi. Eye Abram yi ɖe Egipte, be wòa nye amedzro le afima; elabena dɔa nu sẽ ŋutɔ le anyigba la dzi?

1 Mose 26:1

Ke do to le anyigba la dzi, abe alesi wòto le Abraham ŋɔli ene; tete Isak ʋu yi ɖe Filistitowo ƒe fia Abimelex gbɔ le Gerar.

1 Mose 41:57

Eye amewo tso afiawo katã va Egipte, be woaƒle bli le Yosef gbɔ, elabena dɔ la nu sẽ ŋutɔ le afisiafi.

1 Mose 42:5

Tete Israel ƒe viwo kple ame bubuwo va bli ƒle ge, elabena dɔ to le Kanaan-nyigba dzi.

1 Mose 43:1

Ke dɔwuame la nu sẽ ŋutɔ le anyigba la dzi.

2 Samuel 16:8

Yehowa gbugbɔ Saul, amesi teƒe nèzu fia ɖo la, ƒe aƒe ƒe ʋu katã va dziwò, eye Yehowa tsɔ fiaɖuƒe la de asi na viwò Absalom; kpɔ ɖa, azɔ ège ɖe dzɔgbevɔ̃e me, elabena hlɔme nènye!

2 Samuel 20:26

eye Ira, Yairitɔ, hã enye nunɔla le Dawid gbɔ.

2 Samuel 21:5

Woɖo ŋu na fia la bena: Ŋutsu, si wu mi, eye wòɖo lãme be, yeatsrɔ̃ mi ɖa, ne míaganɔ Israel-nyigba blibo la dzi o lae!

2 Samuel 24:1

Eye Yehowa gado dɔmedzoe ɖe Israel ŋuti, eye wòdɔ Dawid ɖe wo ŋu gblɔ bena: Yi ɖaxlẽ Israel kple Yuda!

2 Samuel 5:19

Eye Dawid bia nu Yehowa bena: Mahe ɖe Filistitɔwo ŋua, eye ɖe atsɔ wo ade asi nama? Yehowa ɖo ŋu na Dawid bena: Ho yi, elabena matsɔ Filistitɔwo ade asi na wò!

2 Samuel 5:23

Tete Dawid bia nu Yehowa, eye wòɖo ŋu nɛ be: Megaho yi o, ke boŋ to wo megbe, ne nava tu wo le klẽtiawo kasa!

1 Fiawo 17:1

Eye Eliya, Tisbitɔ, si tso Gilead ƒe amedzrowo dome, gblɔ na Axab bena: Meta Yehowa, Israel ƒe Mawu, amesi ŋku me mele tsitre ɖo la ƒe agbe. Zãmu kple tsi madza le ƒe siawo me o, negbe nye koe agblɔe hafi!

1 Fiawo 18:2

Tete Eliya yi ɖatsɔ eɖokui na Axab. Ke dɔwuame la nu sẽ le Samaria.

2 Fiawo 6:25

Eye dɔ gãa ɖe to le Samaria; kpɔ da, wode to ɖee, vaseɖe esime tedzita ɖeka xɔ klosalo sekel blanyi, eye ahɔnemi kab eneliawo ɖeka xɔ klosalo sekel atɔ̃.

2 Fiawo 8:1

Eye Elisa ƒo nu kple nyɔnu, si ƒe vi wògbɔ agbee la, gblɔ bena: Mia kple aƒewòmetɔwo mitso, ne miaɖanye amedzro le afisiafi, si ke miekpɔ; elabena Yehowa le dɔwuame he ge vɛ ƒe adre, eye ele anyigba dzi xoxo.

Hiob ƒe Agbalẽ 10:2

Megblɔ na Mawu be: Megabu fam o; na manya nusi la nele avu wɔm kplim ɖo!

Psalmowo 27:8

Nye dzi tsa wò nya gaɖo ŋkuwò me be: „Midi ŋkunye me!“ Yehowa, ŋkuwò me madi.

Psalmowo 50:15

Yɔm le xaxagbe la, ekema maɖe wò, eye nade bubu ŋunye!

Psalmowo 91:15

Ayɔm, eye matɔ nɛ, meli kplii le hiã me; maɖee le eme, eye mahaɖe bubu eŋu.

3 Mose 26:26

Magblẽ abolo, si nye miaƒe agbe la dome, eye nyɔnu ewo aƒo abolo de kpo ɖeka me, eye woaxlẽ abolo de do nu na mi, eye miaɖui maɖi ƒo na mi o.

4 Mose 27:21

Ele nɛ be, wòava nunɔla Eleazar gbɔ, bena wòatsɔ Urim abia nu nɛ le Yehowa ŋku me; eye alesi wògblɔ la, eya nu woa kple Israel-viwo ƒe ha blibo la katã naho, eye woagatrɔ agbɔ ɖo.

Yosua 7:1

Ke Israel-viwo meɖi anukware le busunuawo me o, elabena Axan, Karmi vi, amesi nye Sabdi vi, amesi nye Zerax vi tso Yuda-toa me la, tsɔ busunuawo ƒe ɖe. Tete Yehowa ɖo dɔmedzoe ɖe Israel-viwo ŋu.

Yosua 9:20

Ale miawo wo enye si: Mina woanɔ agbe, ne dziku magava mía dzi le atam, si míeka na wo la ta o.

Rut ƒe agbalẽ 1:1

Le ɣeyiɣi, siwo me ʋɔnudrɔ̃lawo le dziɖum la, dɔ va anyigba la dzi. Eye ŋutsua ɖe kple srɔ̃a kpakple viaŋutsu eveawoʋu tso Betlexem-Yuda, bena woaɖanɔ Moab-nyigba dzi.

1 Samuel 10:22

Eye wogabia nu Yehowa bena: Ɖe ame la hã va afisia? Yehowa ɖo ŋu bena: Kpɔ ɖa, eɣla ɖe agbawo totro me.

1 Samuel 23:11

Ɖe Kegilatɔwo atsɔm ade asi nɛa? Eye ɖe Saul le vava ge, abe alesi wò dɔla se enea? Yehowa, Israel ƒe Mawu, ɖee fia wò dɔla dzro! Yehowa gblɔ bena: Ele vava ge.

1 Samuel 23:2

Tete Dawid bia Yehowa bena: Mayi ɖasi Filistitɔ siawoa? Yehowa gblɔ na Dawid bena: Yi, ele Filistitɔwo si ge, eye èle Kegila ɖe ge.

1 Samuel 23:4

Dawid gabia nu Yehowa, eye Yehowa ɖo ŋu gblɔ ne bena: Tso nayi Kegila, elabena matso Filistitɔwo aɖe asi na wò!