2 Samuel 20:2 - Biblia alo Ŋɔŋlɔ Kɔkɔe La Le Eʋegbe Me 1913

² Tete Israel-ŋutsuwo katã tu le Dawid ŋu hedze Seba, Bixri vi la yome. Ke Yuda-ŋutsuwo ku ɖe woƒe fia la ŋu tso Yordan nu vaseɖe Yerusalem.

Agbenya La

² Ke Israel ŋutsuwo katã gblẽ David ɖi eye wodze Seba, Bikri vi yome! Ke Yuda ŋutsuwo nɔ woƒe fia la ŋu eye wokplɔe tso Yɔdan tɔsisi la ŋu yi Yerusalem.

2 Samuel 20:2 Mawu Ofanana

2 Samuel 19:15

Ale wòtrɔ Yuda-ŋutsuwo katã ƒe dzi abe ŋutsu ɖeka tɔ ene, eye wodɔ ame ɖo ɖe fia la gbɔ bena: Mia kple wò dɔlawo katã migbugbɔ va!

2 Samuel 20:1

Eye yakamea ɖe le afima, si ŋkɔ nye Seba, Bixri vi, eye wònye Benyamintɔ; eku kpẽ gblɔ bena: Gomea ɖeke mele Dawid gbɔ na mi o, eye domenyinu ɖeke mele Isai vi la si na mi o. Israel lee, mia dome amesiame neyi eƒe agbadɔ me!

2 Samuel 20:21

Nya la mele alea o, ke boŋ ŋutsua ɖe, si tso Efrayim-to la dzi, amesi ŋkɔ nye Seba, Bixri vi lae, do eƒe asi ɖe dzi ɖe fia Dawid ŋu. Ne mieɖe eya ɖeɖe na la, ekema madzo le dua ŋu. Eye nyɔnu la gblɔ na Yoab bena: Kpɔ ɖa, woatsɔ eƒe ta aƒu gbe ato glia dzi aɖo de wò.

2 Samuel 20:3

Esi Dawid va eƒe me le Yerusalem la, fia la tsɔ nyɔnu ewo, siwo nye eƒe ahiãwo, amesiwo wogblẽ ɖi, be woanɔ aƒea dzi kpɔm la, de xɔ me, eye wòkpɔ wo dzi, ke medɔ wo gbɔ o; eye wotsi xɔa me, abe alesi ahosiwo nɔa agbee ene, vaseɖe woƒe kugbe.

1 Fiawo 12:20

Eye wòva me, esi Israel blibo la se bena, Yerobeam trɔ gbɔ la, wodɔ ame woyi ɖayɔe va ameha la gbɔe, eye wotsɔe ɖo fia ɖe Israel blibo la dzi; wo dometɔa ɖeke meku ɖe Dawid ƒe aƒe la ŋu o, negbe Yuda-to la ɖeɖe ko.

2 Kronika 10:17

Ke Rexabeam ɖu fia ɖe Israel-vi, siwo le Yuda-duwo me la dzi.

Psalmowo 62:9

Mi dukɔ la, miɖo ŋu ɖe eŋu ɣeawokatãɣi, mitrɔ miaƒe dzi ƒo le eŋku me; Mawu enye míaƒe sitsoƒe! Sela.

Lododowo 17:14

Dzregɔmetoto le, abe alesi woŋɔa tɔe ene; eyata dzudzɔ, hafi ne wòava do gã.

Dɔwɔwɔwo 11:23

Esi amesia va, eye wòkpɔ Mawu ƒe amenuvevea la, edzɔ dzi, eye wòde dzi ƒo na wo katã bena, woanɔ Aƒetɔ la gbɔ kple woƒe dzimeɖoɖo.