2 Samuel 18:27 - Biblia alo Ŋɔŋlɔ Kɔkɔe La Le Eʋegbe Me 1913

²⁷ Eye dzɔla la gblɔ bena: Ame gbãtɔ ƒe duƒuƒume ɖi Zadok vi Aximaaz tɔ. Tete fia la gblɔ bena: Ame nyui wònye, eye gbe nyui wòbe gbɔnae.

Agbenya La

²⁷ Gbetakpɔla la gblɔ nɛ be, “Ame gbãtɔ ɖi Ahimaaz, Zadok ƒe vi.” Fia la ɖo eŋu be, “Ame nyuie; etsɔ nya nyui gbɔnae.”

2 Samuel 18:27 Mawu Ofanana

2 Samuel 18:26

agbonudzɔla la gakpɔ ŋutsu bubu le du ƒum, eye agbonudzɔla la do ɣli ɖo ɖe agbo la me bena: Kpɔ da, ŋutsu ɖeka koliaa ɖe le du dzi gbɔna! Tete fia la gblɔ be: Eya hã he gbe nyuia ɖe ɖe asi.

1 Fiawo 1:42

Esi wogale nuƒoƒo dzi la, Yonatan, nunɔla Abyatar vi do, eye Adoniya gblɔ bena: Va, elabena ame zãzɛ nènye, eye gbe nyuia ɖe nèhe ve.

2 Fiawo 9:20

Eye dzɔla la yi ɖagblɔ bena: Eyi ɖaɖo wo gbɔ, gake megatrɔ gbɔ o. Nuwɔwɔ la le abe Yehu, Nimsi vi ƒe nuwɔwɔ ene, elabena ele nu wɔm abe aɖaʋatɔ ene.

Lododowo 25:13

Alesi sno fa le nuŋeɣi la, nenema dɔla nuteƒewɔla le na amesi dɔe, eye wòfaa dzi na eƒe aƒetɔ.

Lododowo 25:25

Nya nyui xɔxɔ tso duta le abe tsi fafɛ na amesi ƒe ve me ƒu la ene.

Yesaya 52:7

Du nyui xɔla ƒe afɔwo nyo le towo dzi loo! Eya, amesi ɖea gbe ƒã ŋutifafa, eye wòtoa gbe nyui, eɖea gbe ƒã xoname, eye wòle gbɔgblɔm na Zion be: Wò Mawu enye fia!

Romatɔwo 10:15

Ke aleke woaɖe gbe ƒã, ne womeɖo wo ɖa hafi o mahã? Abe alesi woŋlɔ ɖi ene bena: „Nyagblɔla, siwo gblɔa ŋutifafanya kple nyanyuie la ƒe afɔwo nyo loo!“