2 Samuel 15:23 - Biblia alo Ŋɔŋlɔ Kɔkɔe La Le Eʋegbe Me 1913

²³ Eye anyigba blibo la fa avi hoo, esi ameha blibo la tso me yi. Esi fia la tso Kidron-tɔʋua la, ameha blibo la dze ŋgɔ to mo, si ɖo ta gbedzi.

Agbenya La

²³ Ame sia ame lé blanui le dua me esime fia la kple eƒe amewo va yina. Wotso Kidron tɔʋu la eye woɖo ta gbegbe la.

2 Samuel 15:23 Mawu Ofanana

2 Samuel 15:22

Dawid gblɔ na Itai bena: Yi kpli mí! Ale Gatitɔ Itai kple eƒe amewo katã kpakple ɖevi, siwo katã le eŋu la, yi kplii.

2 Samuel 15:28

Mikpɔ ɖa, manɔ totsoƒewo le gbedzi, vaseɖe esime gbea ɖe atso mia gbɔ ava nam.

2 Samuel 16:2

Fia la bia Ziba bena: Nuka nèbe, yeawɔ nu siawoe? Ziba ɖo ŋu be: Tedziawo nye fia la ƒe aƒea to, ne woaɖo; aboloawo kple kutsetse kpoawo nye ɖekakpuiawo tɔ, ne woaɖu; eye wein la nye amesiwo ŋu ɖeɖi te le gbedzi la to, ne woano.

1 Fiawo 15:13

Eɖe dadaa Maaxa hã ɖa, be magaɖu dzi o, elabena ewo legba na Asera, eye Asa mũ legba la ɖatɔ dzoe ɖe Kidron-bali la me.

1 Fiawo 2:37

Gbesigbe nado atso Kidron-toʋua la nyae be, àku; wò ʋu ava wò ta dzi

2 Kronika 29:16

Eye nunɔlawo ge ɖe Yehowa ƒe xɔ la me, be yewoakɔ eŋu, eye woɖe nu makɔmakɔ, siwo katã wokpɔ le Yehowa ƒe gbedoxɔ me la, do goe va Yehowa ƒe aƒe la ƒe xɔxɔnu, eye Lewi-viwo xɔ wo hetsɔ yi Kidron-tɔʋu la nu.

Yeremia 31:40

Eye ame kuku balime, dzowɔ balime blibo la kpakple agblewo katã ɖake ɖe Kidron-tɔʋu la nu vaseɖe sɔgbo la ƒe dzogoe dzi anɔ kɔkɔe na Yehowa; womagagblẽe azɔ o, eye womagagbãe aƒu anyi akpɔ gbeɖe o.

Mateo 3:1

Le ŋkeke mawo me la Yohanes, mawutsidetanamela, va do, eye wòle gbe ƒã ɖem le Yudea-gbedzi

Mateo 3:3

Elabena nenem me sia enye ame, si ŋuti wogblɔ nya ɖi le to nyagblɔɖila Yesaya dzi bena: „Amesi le ɣli dom le gbeadzi la ƒe gbe enye esi: Midzra Aƒetɔ ƒe mɔ la ɖo, miwɔ eƒe mɔtalawo dzɔdzɔe.“

Luka 1:80

Eye ɖevi la tsi, eye wòva sẽ ŋu le gbɔgbɔ la me; eye wòle gbedzi vaseɖe eɖeɖefia Israel ŋkeke dzi.

Yohanes 18:1

Esi Yesu gblɔ esiawo vɔ la, eya kple eƒe nusrɔ̃lawo do go yi ɖatso Kidron-tɔʋu la, afisi abɔa ɖe le, si me eya kple eƒe nusrɔ̃lawo yi ɖo.

Romatɔwo 12:15

Midzɔ dzi kple amesiwo dzi le dzɔdzɔm la, mifa avi kple amesiwo le avi fam la!