2 Samuel 12:19 - Biblia alo Ŋɔŋlɔ Kɔkɔe La Le Eʋegbe Me 1913

¹⁹ Esi Dawid kpɔ be, eƒe dɔlawo le dalĩ dom la, Dawid dze sii bena, ɖevi la ku. Eye Dawid bia eƒe dɔlawo bena: Ɖe ɖevi la kua? Woɖo ŋu bena: Eku.

Agbenya La

¹⁹ Ke esi David kpɔ wo wonɔ dalĩ dom na wo nɔewo la, enya nya si dzɔ. Ebia be, “Ɖevia kua?” Woɖo eŋu be, “Ɛ̃, eku.”

2 Samuel 12:19 Mawu Ofanana

2 Samuel 12:18

Le ŋkeke adreagbe la ɖevi la ku. Eye Dawid ƒe dɔlawo le vɔvɔ̃m be, woagblɔ nɛ be, ɖevi la ku; elabena wogblɔ be: Kpɔ ɖa, esi ɖevi la gale agbe, eye míeƒo nu kplii la, egbe toɖoɖo míaƒe gbe; ɖe mawɔ nu vevia ɖe eɖokui, ne míegblɔ nɛ be, ɖevi la ku oa?

2 Samuel 12:20

Tete Dawid tsi tre tso anyigba, eye wòle tsi, si ami heɖo li eƒe awuwo, eye wòyi Yehowa ƒe me hede ta agu; emegbe wòva eƒe me, eye wòbia be, woatsɔ nuɖuɖu aɖo ye kɔ me, eye wòɖu nu.

2 Samuel 13:39

Ke ele fia Dawid dzrom vevie be, yeatsɔe ake Absalom; elabena eƒe akɔ fa le Amnon, si ku la ta.

1 Tesalonikatɔwo 4:13

Ke, nɔviwo, míele didim bena, mianɔ numanyamanya me le amesiwo dɔ alɔ̃ la ŋuti o, bene miagaxa nu, abe ame bubu, siwo mɔkpɔkpɔ meli na o la ene o.