2 Mose 9:25 - Biblia alo Ŋɔŋlɔ Kɔkɔe La Le Eʋegbe Me 1913

²⁵ Eye kpetsia gblẽ nusianu, si le gbedzi, le Egipte-nyigba blibo la katã dzi hewu amewo kple lãwo siaa, eye kpetsia gblẽ agblemenuwo katã, eye wòle gbemetiwo katã.

Agbenya La

²⁵ Nu geɖewo gblẽ le Egipte. Nu sia nu si tsi gbedzi, amewo kple lãwo siaa woku; atiwo ta ŋe, eye agblemenuwo katã gblẽ.

2 Mose 9:25 Mawu Ofanana

Psalmowo 78:47

Eto woƒe weinkawo nyanyanya kple dzikpe, eye woƒe gbotiwo kple ketsi.

Psalmowo 78:48

Etsɔ woƒe lãwo na dzikpe kple woƒe lãhawo na dzikedzo.

2 Mose 9:19

Eyata dɔ woadzra wò lãha kple wò nusianu, si le gbedzi la ɖo, elabena ame kple lã, siwo katã gale gbedzi, eye womeyi xɔ me o la, kpetsi la adza ɖe wo dzi, eye wòawu wo.

2 Mose 9:24

Kpetsia le dzadzam, eye dzi le dzo kem ɖe eme edziedzi; kpetsia nu sẽ ŋutɔ, eye etɔgbe medza ɖe Egipte-nyigba blibo la katã dzi kpɔ o, tso esime amewo va edzi.

2 Mose 9:6

Esi ŋu ke la, Yehowa na wòva me. Eye Egipte-tɔwo ƒe lãwo katã ku; ke Israel-viwo ƒe lãwo dome ɖeka hã meku o.

Hezekiel 13:13

Eyata ale Aƒetɔ Yehowa gblɔ esi: Mana ahom natu le nye dziku me, tsi nadza bababa le nye dɔmedzoe me, eye tsikpewo nadza le nye dziku me, ne woagblẽ nu.

Yosua 10:11

Esi wosi le Israel nu hele Bet-Xoron-to ƒe abu ɖim la, Yehowa hlẽ kpe gãwo ɖe wo dzi tso dziƒo vaseɖe Aseka, eye woku; amesiwo kpetsiawo wu la sɔ gbɔ wu esiwo Israel-viwo wu kple yi.