2 Mose 32:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Esi Aron kpɔe la, eɖi vɔsamlekpui ɖe eŋgɔ. Eye Aron do kpo bena: Etsɔ enye ŋkekenyuie na Yehowa!

Agbenya La

⁵ Esi Aron kpɔ ale si ameawo kpɔ dzidzɔe le nyivilegba la ŋu la, etu vɔsamlekpui aɖe ɖe nyivilegba la ŋgɔ, eye wòɖe gbeƒã be, “Etsɔ la, míasa vɔ aɖe na Yehowa!”

2 Mose 32:5 Mawu Ofanana

1 Fiawo 21:9

Eŋlɔ ɖe agbalẽ la me bena: Miɖe gbe ƒã be, woatsi nu adɔ, eye woakplɔ Nabot aɖo dukɔ la ŋgɔ.

2 Fiawo 10:20

Eye Yehu gblɔ bena: Miwo ŋkekenyuie ƒe takpekpe la kokoe na Baal! Tete woɖe gbe ƒã.

2 Fiawo 16:11

Eye nunɔla Uriya ɖi vɔsamlekpui la; alesi fia Axaz ɖoe ɖa tso Damasko la, nenema pɛpɛpɛ nunɔla Uriya wɔe, hafi fia Axaz gbɔ tso Damasko.

2 Kronika 30:5

Eye woɖo kpe nya la dzi be, woaɖe gbe ƒã le Israel blibo la tso Beer-Seba vaseɖe Dan, ne woava ɖu ŋutitotoŋkekenyuie na Yehowa, Israel ƒe Mawu la, le Yerusalem, elabena eteƒe didi womegaɖu kpɔ, abe alesi woŋlɔe ɖi ene o.

2 Mose 10:9

Mose ɖo ŋu bena: Miele mía viwo kple míaƒe amegã ɖeɖiwo kplɔ ge ɖe asi; miele mía viŋutsuwo kple mía vinyɔnuwo, miaƒe alẽwo kple míaƒe nyiwo kplɔ ge ɖe asi; elabena ŋkekenyuie ɖu ge míeyina na Yehowa.

2 Mose 12:14

Ŋkeke sia nanye ŋkuɖodzigbe na mi, eye mianɔ eɖum na Yehowa, wòanye ɖoɖo na miaƒe dzidzimeviwo, be miaɖui tegbee.

2 Mose 17:15

Eye Mose ɖi vɔsamlekpui, eye wòna ŋkɔe be: Yehowa nye aflaga.

2 Mose 32:4

Eye wòxɔ wo le wo si, eye wotsɔ pɛ wɔ nyivi ƒe nɔnɔme, eye wòkɔe. Tete wogblɔ bena: Israel, esia nye wò mawu, si kplɔ wò tso Egipte-nyigba dzi.

2 Mose 32:6

Esi wòtɔ ŋdi la, wome numevɔsawo, eye wotsɔ akpedavɔsawo ve, eye dukɔ la bɔbɔ nɔ anyi, ɖu nu, eye wono nu. Emegbe wotsi tre de asi fefe me.

Hosea 8:11

Elabena Efrayim ɖi vɔsamlekpuiwo kpaŋkpaŋ, ne wòatsɔ awɔ nutala, eye vɔsamlekpuiawo zu nuvo nɛ.

Hosea 8:14

Israel ŋlɔ ewɔla he; etu fiasãwo, eye Yuda tso du sesẽwo kpaŋkpaŋ; maɖo dzo ɖe eƒe duwo me, ne wòafiã woƒe fiasãwo.

3 Mose 23:21

Ŋkeke ma dzi miaɖe gbe ƒã bena, takpegbe kɔkɔe wònye na mi, miekpɔ mɔ awɔ asinudɔa ɖeke o. Ɖoɖo mavɔ wòanye na miaƒe dzidzimeviwo le mia nɔƒewo katã.

3 Mose 23:37

Esiawo nye Yehowa ƒe ŋkekenyuie, siwo miade gbe ƒãe be takpegbe kɔkɔewo, eye miasa dzovɔ na Yehowa, numevɔ, nuɖuvɔ, akpedavɔ kple nunovɔ; ŋkeke sia ŋkeke kple etɔ,

3 Mose 23:4

Esiawo nye Yehowa ƒe ŋkekenyuie, siwo miayɔ le woƒe azãgbewo dzi bena takpegbe kɔkɔe.

1 Korintotɔwo 5:8

Eyata mina míaɖu ŋutitotoŋkekenyuie, menye le amɔwɔ ʋaʋã xoxo me o, eye menye le vɔ̃ɖiwɔwɔ kple nu tovo wɔwɔ ƒe amɔwɔ ʋaʋã me o, hafi le dzadzɛnyenye kple nyateƒe ƒe amɔwɔ maʋãmaʋã la me boŋ.

1 Samuel 14:35

Eye Saul ɖi vɔsamlekpui na Yehowa; esia nye vɔsamlekpui gbãtɔ, si wòɖi na Yehowa.