2 Mose 30:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Eye Aron natsɔ atike ʋeʋẽe ado dzudzɔ ɖe edzi, ŋdi sia ŋdi, ne edzra akaɖigbɛawo ɖo la, wòado dzudzɔ.

Agbenya La

⁷ “Ŋdi sia ŋdi la, Aron ado dzudzɔ kple atike ʋeʋĩ le vɔsamlekpui la dzi, ne ebɔbɔ akaɖigbɛawo ɖe eme.

2 Mose 30:7 Mawu Ofanana

1 Kronika 23:13

Aram viwo nye: Aron kple Mose, ewolia Aron, be wòakɔ eya kple viaŋutsuwo ŋu ne woanye ame kɔkɔetɔwo tegbee ne woaɖo dzudzɔ le Yehowa ŋku me, woasubɔe, eye woayra ame ɖe eƒe ŋkɔ dzi tegbee.

1 Kronika 6:34

Eye Aron kple viaŋutsuwo doa dzo ɖe numevɔsamlekpui kple dzudzɔdovɔsamlekpui la dzi, woɖo wo hena kɔkɔefewo ƒe kɔkɔeƒe ƒe dɔwo katã, eye wòlé avu Israel le se, siwo katã Mawu ƒe dɔla Mose de la nu.

2 Kronika 2:3

kpɔ ɖa, mele didim be, matu xɔ na Yehowa, nye Mawu ƒe ŋkɔ, makɔ eŋu nɛ, ne woatɔ dzo atike ʋeʋẽe le eŋku me, woada ŋkumeɖobolo ɖi, eye woasa numevɔ ŋdi kple fiẽ, le dzudzɔgbewo, dzinu yeyewo kple Yehowa, mía Mawu ƒe ŋkekenyuiewo dzi; Israel ƒe dɔ nye esia tegbee.

2 Kronika 2:4

Xɔ, si mebe, matu la, lolo, elabena mia Mawu la lolo wu mawuwo katã.

2 Kronika 26:18

Eye wotsi tre ɖe fia Uziya ŋu gblɔ nɛ bena: Uziya, medze wò be, nado dzudzɔ na Yehowa o, negbe nunɔlawo, siwo nye Aron viwo, amesiwo ŋu wokɔ hena dzudzɔdodo la ko. Do go le kɔkɔeƒe la, elabena èwɔ nu tovo, eye Yehowa made bubua ɖeke ŋuwò o.

2 Kronika 29:7

Wodo akpatala ƒe ʋɔtruwo hã, eye wotsi akaɖiawo, wometsɔ dzudzɔdonu la do dzudzɔe o, eye womesa vɔ le kɔkɔeƒe la na Israel ƒe Mawu la o.

Psalmowo 141:2

Nye gbedodoɖa nenɔ ŋkuwò me abe dzudzɔ ʋeʋẽe ene, eye nye asiwo wuwu dzi nenɔ abe fiẽnuɖuvɔsa ene.

2 Mose 30:34

Eye Yehowa gblɔ na Mose bena: Tsɔ atike, siwo ʋẽna lilili, siwo nye: lifi lãhɛtɔ, ƒumebɔbɔgo kple atimitsi ƒomevi vovovowo; woada wo katã sɔsɔe.

2 Mose 30:6

Eye natsɔe ada ɖe nubablaɖaka, si dzi nutsyɔnu la le, afisi maɖe ɖokuinye afia wò le la, kasa le xɔmetsovɔ la ŋgɔ.

2 Mose 30:8

Eye ne Aron si akaɖigbɛawo le fiẽ la, wòagado dzudzɔ Esia anye dzudzɔvɔsa le Yehowa ƒe ŋku me, hena miaƒe dzidzimeviwo tegbee.

2 Mose 40:27

eye wotsɔ atike ʋeʋẽewo do dzudzɔ de edzi, abe alesi Yehowa de se na Mose ene.

3 Mose 6:5

Dzo la nanɔ bibim le vɔsamlekpui la dzi ɖaa, eye womatsii o; ŋdi sia ŋdi nunɔla nade nake dzo la me, eye wòatsɔ numevɔsalã aɖo edzi, eye woatɔ dzo akpedavɔsa ƒe amiwo le edzi.

4 Mose 7:56

sikanutɔgba ɖeka, si da sekel ewo, eye dzudzɔdonu yɔe banaa;

Luka 1:9

le nunɔnɔdɔ ƒe kɔa nu la, nudzidze dze edzi bena, wòayi ɖe Aƒetɔ la ƒe xɔa me, eye wòamè nu.

Dɔwɔwɔwo 6:4

Ke miawo la miana gbedodoɖa kple nya la ƒe subɔsubɔ dzi.

5 Mose 33:10

Woawoe fiaa wò ɖoɖowo Yakob kple wò se la Israel; woawoe tsɔa dzudzɔdonu ɖoa wò ŋɔti nu, eye wotsɔa vɔsa blibo ɖoa wò vɔsamlekpui la dzi.

1 Samuel 2:28

Metiae tso Israel-towo katã dome, be wòanye nunɔla nam, eye woate ɖe nye vɔsamlekpui la ŋu, woatso nu ʋeʋẽe ado dzudzɔe, eye wòado kɔmewu la le ŋkunye me, eve metso Israel-viwo ƒe dzovɔsawo katã na fofowò ƒe aƒe la

1 Samuel 3:3

womekpɔ tsi Mawu ƒe akaɖiawo haɖe o, eye Samuel mlɔ Yehowa ƒe gbedoxɔ me, afisi Mawu ƒe aɖaka la le.