2 Mose 28:3 - Biblia alo Ŋɔŋlɔ Kɔkɔe La Le Eʋegbe Me 1913

³ Eye gblɔ na amesiwo katã mede nunya tagbɔ na, eye wònya adaŋu la bena, woatɔ Aron ƒe awuawo, ne woaɖoe nunɔla, be wòasubɔm.

Agbenya La

³ Gblɔ na aɖaŋudɔwɔla siwo katã mena nunya le nya siawo tɔgbi me la be woatɔ awuwo na Aron hena eɖoɖo nunɔlae, ale be wòate ŋu awɔ nunɔlawo ƒe dɔ nam.

2 Mose 28:3 Mawu Ofanana

1 Fiawo 7:14

Enye ahosia ɖe, si tso Naftali-toa me la ƒe yi, eye fofoa nye akɔblinutula tso Tiro; aɖaŋu, nugɔmesese kple nunya geɖe le tagba nɛ, eye wònya akɔbliɖaŋu vovovowo wɔwɔ; eye wòva fia Salomo gbɔ hewɔ dɔ blibo la nɛ.

2 Mose 35:10

Eye mia dometɔ, siwo ƒe tagbɔ aɖaŋu le la, nava awɔ nusiwo katã Yehowa ɖi la.

2 Mose 35:25

Nyɔnu, siwo nya ɖetitetre, tsɔ asi tre aɖabe blɔtɔ kple dzĩtɔ ƒe ɖeti dze kple ɖeti ɣi hetsɔ ve.

2 Mose 35:30

Eye Mese gblɔ na Israel-viwo bena: Mikpɔ ɖa. Yehowa tia Bezaleel, Uri viŋutsu, si enye Xur ƒe tɔgbuiyɔvi tso Yuda-to la me,

2 Mose 35:31

eye wòtsɔ Mawu ƒe gbɔgbɔ, si fiã nunya, gɔmesese, sidzedze kple aɖaŋu vovovowo wɔwɔ la, de eme fũ,

2 Mose 35:35

Etsɔ aɖaŋu de woƒe tame fũ, bena woate ŋu abu tame awɔ ɖɔ ƒomevi vovovowoe, woanya alesi woakpa aɖaŋunu vovovowoe, alesi woalɔ̃ aɖaŋuvɔe, eye woanya alesi woatso aɖabɛ blɔtɔ kple dzĩtɔ ƒe ka, ka dzẽ kple ɖeti ɣi alɔ avɔ ƒomevi vovovowoe.

2 Mose 36:1

Ale Bezaleel kple Oholiab kpakple ŋutsu, siwo ƒe tagbɔ aɖaŋu le, amesiwo me Yehowa de nunya kple gɔmesesee, bena woate ŋu anya, alesi woawɔ kɔkɔeƒe la ŋu dɔwo katã la, nawɔ nusiwo katã Yehowa gblɔ la.

2 Mose 36:2

Eye Mose yɔ Bezaleel kple Oholiab kpakple aɖaŋutɔ, siwo katã ƒe tagbɔ Yehowa de nunyae, amesiwo katã woƒe dzi dɔ, bena woava awɔ dɔ la.

Lododowo 2:6

Elabena Yehowa naa nunya, eƒe nu me sidzedze kple gɔmesese dzɔ tso;

Yesaya 11:2

Eye Yehowa ƒe gbɔgbɔ, si nye nunya kple gɔmesese ƒe gbɔgbɔ, adaŋu dede kple ŋusẽ ƒe gbɔgbɔ, sidzedze kple Yehowa vovo ƒe gbɔgbɔ la, anɔ edzi.

Efesotɔwo 1:17

bena mia Aƒetɔ Yesu Kristo ƒe Mawu, si nye ŋutikɔkɔe Fofo la, nana nunya kple nyaɖeɖefia ƒe Gbɔgbɔ la mi le eƒe sidzedze la me,

5 Mose 34:9

Eye nunyagbɔgbɔ yɔ Yosua, Nun vi fũ, elabena Mose da asi ɖe edzi. Eye Israel-viwo ɖo toe, eye wowɔ, abe alesi Yehowa de se na Mose ene.

Yakobo 1:17

Nunana nyuiwo katã kple nunana blibowo katã la dziƒo wotso, tso kekeliwo ƒe Fofo la gbɔ, amesi gbɔ liɖɔɖɔ alo tɔtrɔ ƒe vɔvɔlidodoa ɖeke meli o.