2 Mose 27:21 - Biblia alo Ŋɔŋlɔ Kɔkɔe La Le Eʋegbe Me 1913

²¹ le Mawu ƒe agbadɔ la me, le xɔmetsovɔ, si xe nubablaɖaka ŋku me la ŋgɔ, eye Aron kple viaŋutsuwo nadzrae ɖo, bena wòanɔ bibim le Yehowa ƒe ŋku me tso fiẽ vaseɖe ŋdi. Esia anye ɖoɖo na Israel-viwo kple woƒe dzidzimeviwo tegbee.

Agbenya La

²¹ Ele be Aron kple viawo nakɔ akaɖi sia, si womana wòatsi akpɔ o la ada ɖe agbadɔ la me, le xɔmetsovɔ, si xe nublaɖaka ŋkume la ŋgɔ. Woana wòanɔ bibim zã kple keli le Yehowa ŋkume. Esia nye se mavɔ na Israelviwo tso dzidzime yi dzidzime.

2 Mose 27:21 Mawu Ofanana

1 Mose 1:5

Mawu yɔ kekeli la be ŋkeke; ke viviti la eyɔe be zã. Ale zã do, eye ŋu ke, eya nye ŋkeke gbãtɔ.

1 Mose 1:8

Eye Mawu yɔ alilia be dziƒo. Ale zã do, eye ŋu ke, eya nye ŋkeke evelia.

2 Kronika 13:11

woawoe tɔa dzo numevɔsa na Yehowa ŋdi sia ŋdi kple fiẽ sia fiẽ, wotsɔa atike ʋeʋẽe doa dzudzɔe, wodaa abolo ɖe kplɔ̃; dzadzɛ la dzi, eye wosia sikakaɖitiawo ƒe akaɖigbɛawo fiẽ sia fiẽ, elabena mielé Yehowa, mía Mawu ƒe ɖoɖowo meɖe asi; ke miawo miegblẽe ɖi.

Psalmowo 134:1

Mɔzɔha. Mikafu Yehowa, mi Yehowa ƒe dɔlawo katã, mi amesiwo tsia tre ɖe Yehowa ƒe me le zãwo me!

2 Mose 12:14

Ŋkeke sia nanye ŋkuɖodzigbe na mi, eye mianɔ eɖum na Yehowa, wòanye ɖoɖo na miaƒe dzidzimeviwo, be miaɖui tegbee.

2 Mose 16:34

Eye Aron tsɔe dzra ɖo ɖe seawo gbɔ, abe alesi Yehowa de se na Mose ene.

2 Mose 25:16

Eye natsɔ se, siwo mana wò la, ade aɖaka la me.

2 Mose 28:43

Eye Aron kple viaŋutsuwo nadoe, ne woyina ɖe agbadɔ, si me Yehowa ɖea eɖokui fiana le la me, alo wote ɖe vɔsamlekpui la ŋu, be woasubɔ le kɔkɔeƒe la, ne maganye vodada na wo, eye woaku o. Esia nanye ɖoɖo na eya ŋuta kple eƒe dzidzimeviwo tegbee.

2 Mose 29:28

bena woanye Aron kple viaŋutsuawo to, eye wòanye ɖoɖo na Israel-viwo tegbee, elabena asidzɔe. Eye wòanye adzo, si Israel-viwo ana Yehowa tso woƒe akpedavɔsawo me.

2 Mose 29:42

Esia enye gbesiagbe numevɔsa, si miaƒe dzidzimeviwo ame le Mawu ƒe agbadɔ la nu le Yehowa ƒe ŋku me, afisi maɖe ɖokuinye afia nu aƒo nu kpli mi le.

2 Mose 29:44

Makɔ agbadɔ la kple vɔsamlekpuia ŋu, eye makɔ Aron kple viaŋutsuawo ŋuti, bena woanye nunɔlawo asubɔm.

2 Mose 30:21

Woaklɔ asiwo kple afɔwo, bena womagaku o; eye wòanye ɖoɖo na eya ŋutɔ kple eƒe dzidzimeviwo tegbee.

2 Mose 30:36

Eye natu eƒe ɖe memee ada ɖe nubablaɖaka la ŋgɔ le Mawu ƒe agbadɔ la me, afisi maɖe ɖokuinye afia wò le; nu kɔkɔewo ƒe nu kɔkɔe wòanye na mi.

2 Mose 30:8

Eye ne Aron si akaɖigbɛawo le fiẽ la, wòagado dzudzɔ Esia anye dzudzɔvɔsa le Yehowa ƒe ŋku me, hena miaƒe dzidzimeviwo tegbee.

2 Mose 40:3

Tsɔ nubablaɖaka la da ɖe eme, eye natsɔ xɔmetsovɔ la axe aɖaka la ŋku me.

3 Mose 10:9

Ne mia kple viwòŋutsuawo miele Mawu ƒe agbadɔ la me yi ge la, migano wein alo aha muamea ɖeke o, bena miagaku o. Ɖoɖo mava wòanye na miaƒe dzidzimeviwo.

3 Mose 16:34

Esia nye ɖoɖo mavɔ na mi. Zi ɖeka ƒe ɖeka woalé avu na Israel-viwo katã le woƒe nuvɔ̃wo katã ta. Eye wòwɔ, abe alesi Yehowa ɖe se na Mose ene.

3 Mose 17:7

Womegatsɔ woƒe lãwo sa vɔ na azizã, siwo wosubɔna la o. Ɖoɖo mavɔ wòanye na wo kple woƒe dzidzimeviwo.

3 Mose 23:14

Ke miekpɔ mɔ aɖu abolo, bli tɔtɔe alo blitimu o, vaseɖe gbesigbe miasa vɔ na mia Mawu. Ɖoɖo mavɔ wòanye na mi kple miaƒe dzidzimeviwo le mia nɔƒewo katã.

3 Mose 23:21

Ŋkeke ma dzi miaɖe gbe ƒã bena, takpegbe kɔkɔe wònye na mi, miekpɔ mɔ awɔ asinudɔa ɖeke o. Ɖoɖo mavɔ wòanye na miaƒe dzidzimeviwo le mia nɔƒewo katã.

3 Mose 24:2

De se na Israel-viwo be, woatsɔ dzomi nyuitɔ vɛ, bena woate ŋu atso akaɖigbɛawo aɖo ati dzi ɖaa.

3 Mose 24:3

Eye Aron nadzrae ɖo le Mawu ƒe agbadɔ la me, le xɔmetsovɔ, si xe nubablaɖaka ŋku me la ŋgɔ, bena woano bibim ɖaa tso fiẽ vaseɖe ŋdi le Yehowa ŋku me; ɖoɖo mava wòanye na miaƒe dzidzimeviwo.

3 Mose 24:9

Woanye Aron kple viaŋutsuawo to, eye woaɖui le teƒe kɔkɔe la, elabena nu kɔkɔewo ƒe nu kɔkɔe wònye nɛ tso Yehowa ƒe vɔsa la me; ɖoɖo mavɔ wòanye.

3 Mose 3:17

Ɖoɖo mavɔ wòanye na miaƒe dzidzimeviwo le mia nɔƒewo katã. Miekpɔ mɔ aɖu lã ƒe ami alo ʋua ɖeke o.

3 Mose 3:8

eye wòatsɔ eƒe asi aɖo eƒe vɔsalã la ƒe tame, eye wòawui le Mawu ƒe agbadɔ la nu; emegbe Aron viŋutsuwo natsɔ ʋu la ahlẽ ɖe vɔsamlekpui la ŋu godoo ava kpe.

3 Mose 6:15

Eye nunɔla, si teƒe wole ami sim na viaŋutsuwo dometɔ ɖeka ɖo la, nawɔ nusiawo; ɖoɖo mavɔ wòanye, eye woatɔ dzo wo bliboe na Yehowa.

3 Mose 7:36

gome, si Yehowa de se bena, Israel-viwo natsɔ na wo, le gbesigbe wòsi ami na wo la. Ɖoɖo mavɔ wòanye na woƒe dzidzimeviwo.

Malaki 2:7

Elabena nunɔla ƒe nuyiwo nedzra sidzedze ɖo, eye woadi nufiame le eƒe nu me; elabena Yehowa Zebaot ƒe ame dɔdɔ wònye.

4 Mose 18:23

boŋ Lewitɔwo nawɔ dɔ le Mawu ƒe agbadɔ la ŋu, eye woaxɔ woƒe vodadawo atsɔ; ɖoɖo mavɔ wòanye na miaƒe dzidzimeviwo. Ke domenyinu manɔ wo si le Israel-viwo dome o,

4 Mose 18:5

Eye miawo miawo do, siwo le kɔkɔeƒe la kple vɔsamlekpuia ŋuti, bena dɔmedzoe magava Israel-viwo dzi o.

4 Mose 19:21

Ɖoɖo mavɔ wòanye na mi. Amesi wu ameŋukɔtsia la, nanyã eƒe avɔwo, eye ne amea ɖe de asi ameŋukɔtsia ŋu la, eŋu mekɔ o vaseɖe fiẽ.

4 Mose 35:29

Esia nanye ɖoɖo na miaƒe dzidzimeviwo le mia nɔƒewo katã.

4 Mose 8:9

Emegbe nana Lewitɔwo nate va Mawu ƒe agbadɔ la ŋgɔ, eye naƒo Israel-viwo ƒe ha blibo la nu ƒu.

Mateo 4:16

dukɔ, si ke nɔ viviti me la, kpɔ kekeli gãa ɖe, eye amesiwo na ku ƒe anyigba dzi kple eƒe vɔvɔli me la, kekeli dze na wo.“

Luka 12:35

Mina miaƒe aliwo dzi nanɔ babla, eye miaƒe akaɖiwo nanɔ bibim;

Yohanes 5:35

Eyama enye akaɖi, si le bibim, eye wòle keklẽm; ke miawo la miedi be, yewoakpɔ dzidzɔ gaƒoƒo ɖeka le eƒe keklẽ la me.

2 Korintotɔwo 4:6

elabena Mawu, si gblɔ be: Kekeli nado tso viviti me la, enye amesi klẽ ɖe míaƒe dziwo me, bene Mawu ƒe ŋutikɔkɔe sidzedze ƒe kekeli naklẽ le Yesu Kristo ƒe ŋku me.

2 Petro 1:19

Eye nyagblɔɖi, si li ke sesĩe wu la, le mia si, eye miewɔe nyuie bena, míekpɔa edzi, abe akaɖi, si le keklẽm le tsyɔtsyɔƒe ene, halase esime ŋu lake, eye ŋukeɣletivi ladze le miaƒe dziwo me;

Nyaɖeɖefia 2:1

Ŋlɔ ɖo ɖe hame, si le Efeso la, ƒe dɔla bena: Amesi lé ɣletivi adre ɖe eƒe nuɖusi, amesi le sikakaɖiti adreawo titina zɔm la, eyae gblɔ esiawo bena:

1 Samuel 3:3

womekpɔ tsi Mawu ƒe akaɖiawo haɖe o, eye Samuel mlɔ Yehowa ƒe gbedoxɔ me, afisi Mawu ƒe aɖaka la le.

1 Samuel 30:25

Eye wotsɔe wɔ se kple kɔnu na Israel tso gbemagbe dzi vaseɖe egbe.