2 Mose 18:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Tete Mose yi ɖakpe toa, eye wòde ta agu, eye wòɖuɖɔ nu nɛ; emegbe wòbia wo nɔewo ƒe dɔdɔ ta se, eye woyi agbadɔ la me.

Agbenya La

⁷ Mose yi ɖakpe toa, eye wòxɔe dzidzɔtɔe. Wobia wo nɔewo ƒe agbe ta, eye woyi ɖe Mose ƒe agbadɔ me hena nya aɖewo ŋu bubu.

2 Mose 18:7 Mawu Ofanana

1 Mose 14:17

Azɔ esi woɖu Kedorlaomer kple fia, siwo kpe ɖe eŋuti dzi hetrɔ gbɔna va aƒe la, Sodom-fia va kpee le Sawebali me, si woyɔna be fiabali me la me.

1 Mose 18:2

Esi wòfɔ mo te la, kasia ekpɔ ŋutsu etɔ̃ le tsitre le eŋgɔ ɖa; eye esi wòkpɔ wo ko la, eƒu du tso eƒe agbadɔ nu yi ɖakpe wo, eye wobɔbɔ tsyɔ mo anyi.

1 Mose 19:1

Mawudɔla eveawo va ɖo Sodom le fiẽ me, eye Lot bɔbɔ nɔ Sodom gbɔ nu. Ke esi Lot kpɔ wo la, etsi tre yi ɖakpe wo, eye wobɔbɔ tsyɔ mo anyi.

1 Mose 29:13

Esi Laban se nya siawo le nɔvianyɔnu ƒe vi Yakob ŋuti la, eƒu ɖu yi ɖakpee, eye wòkpla asi kɔ nɛ heɖuɖɔ nu nɛ, eye wòkplɔe va eƒe me. Eye wòxlẽ nya, siwo katã va dzɔ la, na Laban.

1 Mose 31:28

eye mèna meɖuɖɔ nu na nye tɔgbuiyɔviwo kple vinyenyɔnuwo o mahã? Ewɔ bometsinu!

1 Mose 43:26

Esi Yosef va aƒea me la, wotsɔ nunana, si wotsɔ vɛ la, yi ne, eye wodze klo de ta agu nɛ.

1 Mose 45:15

Eyome la eɖuɖɔ nu na nɔviawo katã, eye wòfa avi ɖe woƒe kɔ dzi, emegbe la nɔviawo ƒo nu kplii.

1 Mose 46:29

Yosef na woɖo eƒe tasiaɖam ɖo, eye wòɖoe yi fofoa Israel kpe ge le Gosen. Esi wòkpɔe la, ekpla asi kɔ ne, eye wòfa avi ɖe eƒe ko dzi ʋuu.

2 Samuel 11:7

Eye esi Uriya va egbo la, Dawid bia bena. Yoab doa, aʋakɔ la doa, aleke aʋa la le edzi yimi?

1 Fiawo 2:19

Eye Bat-Seba va fia Salomo gbɔ, be yeaƒo nu kplii le Adoniya ta; tete fia la tsi tre yi ɖakpee, eye wòbɔbɔ ɖe eŋku me; ebɔbɔ nɔ eƒe fiazikpui la dzi, eye wòna nunɔdzi fia la dada wòbɔbɔ nɔ eƒe nuɖusi me.

Psalmowo 2:12

Migbugbɔ nu na via, be megado dɔmedzoe, eye miatsrɔ̃ le mɔ ta o! Elabena esusɔ ʋee, eƒe dɔmedzoe nafla. Woayra amesiwo katã sii tso la!

2 Mose 18:6

Eye wòda ame ɖo ɖe Mose gbɔ be: Nye towo Yetro kple srɔ̃wò kpakple viaŋutsu eveawo míegbɔna gbɔwò.

2 Mose 33:7

Eye Mose tsɔ agbadɔ la tu de asaɖa la godo le adzɔge, eye wòyɔe be Mawu ƒe agbadɔ. Amesiame, si di be, yeabia nu Yehowa la, doa go va Mawu ƒe agbadɔ, si le asaɖa godo la gbɔ.

2 Mose 4:27

Eye Yehowa gblɔ na Aron bena: Yi ɖakpe Mose le gbea dzi! Tete wòyi ɖakpee le Mawu ƒe to la gbɔ, eye wògbugbɔ nu nɛ.

4 Mose 22:36

Esi Balak se bena, Bileam gbɔna la, eyi ɖakpee le Ir-Moab, du, si le Arnon nu le liƒo dzi kekeake la me.

Luka 7:45

Mèɖuɖɔ nu nam o; ke eya la tso esime wòva eme la, medzudzɔ nye afɔwo gbugbɔgbugbɔ o.

Dɔwɔwɔwo 20:37

Eye wo katã wode asi avifafa me vevie ŋutɔ, eye wodze Paulo ƒe ko dzi, eye wogbugbɔ nu ne

Dɔwɔwɔwo 28:15

Eye esi nɔvi, siwo le afima la, se mia ŋkɔ la, wova kpe mi le keke Apiforo kple Tretaberne ke; esi Paulo kpɔ wo la, eda akpe na Mawu, eye wòlé dzi ɖe ƒo.

Ɖelawo 11:34

Eye esi Yefta gbɔ va aƒe le Mizpa la, kpɔ ɖa, vianyɔnu tsɔ axatsɛ le ɣe ɖum va kpee; ŋutsuvi alo nyɔnuvia ɖeke megale esi o, eyae nye eƒe tesi.

1 Samuel 17:18

Tsɔ notsi babla lalã ewo siawo yi na ame akpe ƒe amegã, eye bia nɔviwòwo be, woli sesĩe mahã? Eye xɔ dzesi tso wo gbɔ vɛ!

1 Samuel 17:22

Eye Dawid tsa nusiwo wotso vɛ la, de asi na aʋawɔnuwo ŋu dzɔla, eye wòƒu du yi aʋadzedze la nu. Esi wòva la, ebia nɔviawo be, woli sesĩe mahã?