2 Mose 1:21 - Biblia alo Ŋɔŋlɔ Kɔkɔe La Le Eʋegbe Me 1913

²¹ Esi vixelawo vɔ̃ Mawu ŋuti la, eyata wòna vi geɖe wo.

Agbenya La

²¹ Esi vixelawo vɔ̃a Mawu ta la, Mawu na viwo woawo hã.

2 Mose 1:21 Mawu Ofanana

1 Fiawo 11:38

Nenye be, nèɖo to se, siwo katã mede na wò, eye nèzɔ nye mɔ dzi hewɔ nusi nyo te ŋkunye me, be nèle nye ɖoɖowo kple nye sewo me ɖe asi, abe alesi nye dɔla Dawid wɔ ene la, ekema manɔ kpli wò, eye maɖo wò aƒe ɖe dzi, abe alesi mewɔe na Dawid ene, eye matsɔ Israel na wò.

1 Fiawo 2:24

Eyata meta Yehowa ƒe agbe, amesi li kem, eye wona mebɔbɔ no fofonye Dawid ƒo fiazikpui dzi, eye wòtso aƒe nam, abe alesi wògblɔ ene la be: Adoniya aku egbea!

Psalmowo 112:1

Mikafu Yehowa! Woayra ŋutsu, si vɔ̃a Yehowa, eye wòkpɔa dzidzɔ le eƒe seawo ŋu vevie.

Psalmowo 127:1

Salomo ƒe mɔzɔha. Ne Yehowa metu xɔ o la, dzodzroa etulawo le agbagba dzem le eŋu; ne Yehowa medzɔ dua ŋu o la, dzodzroe dzɔla le ŋudzɔ.

Psalmowo 127:3

Kpɔ ɖa, ŋutsuviwo nye domenyinu tso Yehowa gbɔ, eye fufɔfɔ enye fetu.

Psalmowo 37:3

Ɖo ŋu ɖe Yehowa ŋu, eye nawɔ nyuie! Nɔ anyigba dzi, eye naɖi anukware!

2 Mose 1:17

Ke vixelawo vɔ̃ Mawu, eye womewɔ se, si Egipte-fia de na wo la dzi o, boŋ wona ŋutsuviawo nɔ agbe.

Lododowo 24:3

Nunya wotsɔna tua xɔe, gɔmesese wotsɔna lia kee,

Nyagblɔla 8:12

Ne nuvɔwɔla wɔa vɔ̃ zi alafa, gake nɔa agbe didie hã la, nyee menyae be, eme anye na mawuvɔ̃la, siwo sia eƒe ŋku me.

Yeremia 35:2

Yi Rexab viwo ƒe me, ƒo nu kpli wo, eye nakplɔ wo ayi Yehowa ƒe me xɔwo dometɔ ɖeka me, eye nana wein wo woano.

1 Samuel 2:35

Eye maɖo nunɔla nuteƒetɔ na ɖokuinye, amesi awɔ nu ɖe nye dzi dzi, eye wòawɔ nusi adze ŋunye; mana eƒe aƒe nali ke, eye wòadze nye amesiamina la ŋgɔ ɖaa

1 Samuel 25:28

Tsɔ wò dɔlanyɔnu ƒe vodadawo kee! Yehowa ana nye aƒetɔ ƒe aƒe nali ke, elabena Yehowa ƒe aʋawo wɔm nye aƒetɔ la le, eye dzɔgbevɔ̃ea ɖeke madzɔ ɖe dziwò le wò agbe me ŋkekewo katã me o!