2 Kronika 7:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Eye Salomo kple Israel blibo la ɖu ŋkekenyuie la ɣemaɣi ŋkeke adre; ameha gãa ɖe va tso Xamat vaseɖe Egipte-tɔʋu la nu.

Agbenya La

⁸ Azɔ la, Solomo ɖu ŋkekenyui le ɣe ma ɣi me eye Israel katã ɖui kplii. Ameha gã aɖe ŋutɔe wònye, ameawo tso Lebo Hamat va se ɖe Egipte tɔʋu la gbɔ ke.

2 Kronika 7:8 Mawu Ofanana

1 Mose 15:18

Le ŋkeke ma dzi Yehowa bla nu kple Abram gblɔ bena: Wò dzidzimeviwo matsɔ anyigba sia, si tso Egipte-tɔsisi la nu vaseɖe Frat-tɔsisi gã la nu ana:

1 Fiawo 8:2

Tete Israel-ŋutsuwo katã kpe ta ɖe fia Salomo gbɔ le ŋkekenyuie la dzi le ɣleti Etanim, si nye ɣleti adrelia dzi.

1 Fiawo 8:65

Eye Salomo kple Israel blibo, si le eŋu la, ɖu ŋkekenyuie la ɣemaɣi; ameha gãa ɖe tso Xamat-nutowo me, vaseɖe Egipte-tɔʋu la gbɔ, va Yehowa, mía Mawu la ŋku me, ŋkeke adre kple ŋkeke adre, ele ŋkeke wuiene.

2 Kronika 30:13

Tete ameha gãa ɖe va kpe ta ɖe Yerusalem, be woaɖu abolo maʋamaʋã ŋkekenyuie la le dzinu evelia me, ameha la sa gbɔ ŋutɔ.

2 Kronika 30:26

Dzidzɔ gãa ɖe no Yerusalem, elabena tso Israel-fia Salomo, Dawid vi la ŋɔli la esia tɔgbe medzɔ le Yerusalem kpɔ o.

2 Kronika 5:3

Tete Israel-ŋutsuwo katã kpe ta de fia la gbɔ de ŋkekenyuie la dzi le dzinu adrelia me.

Hezekiel 45:25

Le dzinu adrelia ƒe ŋkeke wuiatɔ̃lia dzi le ŋkekenyuie dzi la woawo alea ke ŋkeke adre sɔŋ, nuvɔ̃vɔsa kple numevɔsa, nuɖuvɔsa kple amiawo nanɔ abe ekemeawo ene.

Hezekiel 47:20

Atsiaƒu gã la nanye liƒo le ɣetoɖoƒe gome tso liƒo sia gbɔ vaseɖe Xamat kasa; esia nye ɣetoɖoƒeliƒo.

Amos 6:14

Israel ƒe aƒe, ale Yehowa, Mawu Zebaot gblɔ esi: Maɖo dukɔa ɖe ɖa ɖe mia ŋu, ne woaxaxa mi ɖo tso Xamat-nutowo me vaseɖe tɔʋu, si le gbegbe la nu.

Yohanes 7:2

Ke Yudatɔwo ƒe ŋkekenyuie, si nye agbadɔŋkekenyuie la ɖo.