2 Kronika 7:18 - Biblia alo Ŋɔŋlɔ Kɔkɔe La Le Eʋegbe Me 1913

¹⁸ ekema mana wò fiaɖuɖu ƒe fiazikpui nali ke, abe alesi medo ŋugbe na fofowò Dawid gblɔ ene be: Wò amesiwo aɖu fia ɖe Israel dzi la nu matso o!

Agbenya La

¹⁸ ekema makpɔ egbɔ be, wò fiaɖuƒe nali ke abe ale si medo ŋugbe na fofowò David ene hegblɔ nɛ be, ‘Wò ame siwo aɖu fia ɖe Israel dzi la matso o.’

2 Kronika 7:18 Mawu Ofanana

1 Fiawo 2:4

ne Yehowa ƒe nya, si wògblɔ ɖe ŋunye la, nava me be: Ne viwòŋutsuwo lé ŋku ɖe woƒe mɔwo ŋu, eye wozɔ anukwaretɔe le ŋkunye me kple woƒe dzi blibo kple luʋɔ blibo la, ekema wò amesiwo anɔ Israel-fiazikpuia dzi la, nu matso akpɔ o.

1 Fiawo 9:5

ekema mana wò fiaɖuƒe ƒe fiazikpui nali ke ɖe Israel dzi tegbee, abe alesi megblɔ na fofowò Dawid ene bena: Wò amesiwo anɔ Israel-fiazikpuia dzi la, nu matso akpɔ o.

2 Kronika 6:16

Azɔ Yehowa, Israel ƒe Mawu, lé nya, si nègblɔ na fofonye Dawid la me ɖe asi, esi nègblɔ be: Ne viwòŋutsuwo lé ŋku ɖe woƒe mɔwo ŋu, eye wozɔ le nye sewo nu, abe alesi nèzɔ le ŋkunye me ene la, ekema wò amesiwo anɔ Israel-fiazikpui dzi la nu matso o.

2 Kronika 7:17

Ne èzɔ le ŋkunye me, abe alesi fofowò Dawid zɔ ene, eye nèwɔ nusiwo katã ŋuti mede se na wò le la dzi, eye nèlé nye ɖoɖowo kple nye kɔnuwo me ɖe asi la,