2 Kronika 4:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Eye wòwɔ akɔblivɔsamlekpui la, edidi abɔklugui blave, eye wòkɔ abɔklugui ewo.

Agbenya La

¹ Fia Solomo wɔ akɔblivɔsamlekpui aɖe; edidi mita asieke, keke mita asieke eye wòkɔ mita ene kple afã.

2 Kronika 4:1 Mawu Ofanana

1 Fiawo 8:22

Eye Salomo te ɖe Yehowa ƒe vɔsamlekpui la ŋgɔ le Israel-ameha blibo la ŋku me, eye wòke eƒe abɔwo do ɖe dziƒo

1 Fiawo 8:64

Gbemagbe Salomo kɔ xɔxɔnu emetɔ, si le Yehowa ƒe xɔ la ŋgɔ la ŋu, elabena esa numevɔ kple nuɖuvɔ, eye wotso akpedavɔsalã ƒe amiwo sa vɔe le afima, le esi akɔblivɔsamlekpui, si le Yehowa ŋku me la, le sue akpa, eye mede numevɔsa, nuɖuvɔsa kple akpedavɔsa ƒe amiwo nu o ta.

1 Fiawo 9:25

Eye Salomo sa numevɔ kple akpedavɔ le vɔsamlekpui, si wòɖi na Yehowa la dzi zi etɔ̃ le ƒe ɖeka me, eye wòdo dzudzɔ le edzi le Yehowa ŋku me. Ale wowu xɔ la nu.

2 Kronika 1:5

Eye akɔblivɔsamlekpui, si Bezaleel, Xur vi Uri ƒe vi ɖi ɖe Yehowa ƒe nɔƒe la ŋgɔ la, le afima, eye Salomo kple ameha la wodii.

2 Kronika 15:8

Ke esi Asa se nyagblɔɖila Obed ƒe nya siawo kple eƒe nyagblɔɖiawo la, dzi ɖo eƒo, eye wò ɖe ŋunyɔnuwo ɖa tso Yuda-nyigba blibo la dzi kple Benyamin kpakple du, siwo woxɔ ɖe Efrayim-to dzi la me, eɖɔ Yehowa ƒe vɔsamlekpui, si le Yehowa ƒe akpata nu la ɖo,

2 Kronika 29:18

Eye nunɔlawo yi fia Xizkiya gbɔ gblɔ bena: Míekɔ Yehowa ƒe aƒe blibo la kple numevɔsamlekpui la kple eŋu nuwo katã kpakple ŋkumeɖobolokplɔ̃ la kple eŋu nuwo katã ŋuti.

2 Kronika 7:7

Eye Salomo kɔ xɔxɔnu emetɔ, si le Yehowa ƒe xɔ ŋgɔ la ŋu, eye wòtsɔ numevɔ kple akpedavɔsalã ƒe amiwo sa vɔe le afima, elabena akɔblivɔsamlekpui, si Salomo ɖi la, metu numevɔsa, nuɖuvɔsa kple amiawo nu o.

2 Kronika 8:12

Ɣemaɣi Salomo sa numevɔ na Yehowa le Yehowa ƒe vɔsamlekpui, si woɖi ɖe akpala la ŋgɔ la dzi,