2 Kronika 2:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ Tete Tiro-fia Xuram ŋlɔ ɖe agbalẽ me ɖo ɖe Salomo bena: Esi Yehowa lɔ̃ eƒe dukɔ ŋuti la, eyata wotsɔ wò ɖo fiae ɖewo dzi.

Agbenya La

¹⁰ Adzɔ si mana wò dɔla siwo nye atidzelawo lae nye wɔ meme tɔn akpe ene alafa ene (4,400) kple lu tɔn akpe ene alafa ene (4,400) hekpe ɖe wain tɔn alafa ene blaene (440) kple amitimi tɔn alafa ene blaene (440) ŋuti.”

2 Kronika 2:10 Mawu Ofanana

1 Fiawo 5:11

Enya nu wu amegbetɔwo katã kple Ezraxitɔ Etan kpakple Maxol viwo Xeman, Xalkol kple Darda, eye eƒe ŋkɔ nya le dukɔwo katã dome godoo va kpe.

1 Fiawo 7:38

Eye wòwɔ akɔblize ewo; Bat blane no ze sia ze me, eye ze sia ze keke abɔklugui ene, eye ze ɖekaɖeka le anyinɔ ewoawo dome ɖesiaɖe dzi.

1 Kronika 14:2

Eye Dawid dze sii be, Yehowa ye ɖo ye, be yeanye fia ɖe Israel nu, elabena eƒe fiaɖuƒe ŋkɔ de du le eƒe dukɔ Israel ta.

2 Kronika 2:15

ekema miatso atiawo le Libanon-to dzi, alesi nu nèhiã, eye míabla wo tatata ato ƒu dzi ava Yafo na wò, eye nava afɔ wo ayi Yerusalem.

2 Kronika 2:9

Kpɔ ɖa, matsɔ lu kor akpe blave kple ƒo kor akpe blave woanye nuɖuɖu na wò dɔla, siwo le atiawo lãm, hekpe ɖe wein bat akpe blave kple ami bat akpe blave ŋu.

2 Kronika 9:8

Woakafu Yehowa, wò Mawu, amesi ŋu wò nu nyo, be wotsɔ wò ɖo eƒe fiazikpui dzi nènye fia na Yehowa, wò Mawu la. Esi Mawu lɔ̃ Israel, eye wòna nɔƒee tegbee la, eyata wòtsɔ wò ɖo fiae ɖe wo nu, ne nadrɔ̃ ʋɔnu, eye nawɔ nu dzɔdzɔe.

Ezra ƒe Agbalẽ 3:7

Wotsɔ ga na kpefulawo kple atikpalawo, eye wotsɔ nuɖuɖu kple nunono kpakple ami na Sidontɔ vo kple Tirolɔwo, ne woatsɔ sedertiwo atso Libanon dzi ato ƒu dzi ava Yafo, abe alesi Persia-fia Kores ɖe gbe na woa ene.

Ezra ƒe Agbalẽ 7:22

vaseɖe klosalo talento alafa, lu kor alafa, wein bat alafa kple ami bat alafa dzi kpakple dze alesi nu wodi.

Luka 10:7

Eye aƒe ma me ke mianɔ, aɖu, eye ano nusi ke le wo si; elabena dɔwɔla dze eƒe fetu. Migatso aƒe me yi aƒe me o.