2 Kronika 2:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Eye Salomo xlẽ agbatsɔla akpe blaadre kple kpefula akpe blanyi le towo dzi; wo dzikpɔlawo le ame akpe etɔ kple alafa ade.

Agbenya La

¹ Solomo ɖo be yeatu gbedoxɔ na Yehowa ƒe Ŋkɔ kple fiasã na eɖokui.

2 Kronika 2:1 Mawu Ofanana

1 Fiawo 5:15

Eye Tiro-fia Xiram ɖɔ eƒe dɔlawo ɖo ɖe Salomo gbɔ, esime wose be, wòsi ami nɛ heɖo fia ɖe fofoa teƒe, elabena Xiram enye Dawid xɔlɔ̃ le eƒe agbe me ŋkekewo katã me.

1 Fiawo 5:5

Eye Yuda kple Israel dome amesiame nɔ eƒe weinka kple gboti te bɔkɔɔ tso Dan vaseɖe Beer-Seba le Salomo ƒe agbe me ŋkekewo me.

1 Fiawo 7:1

Ƒe wuietɔ̃ sɔŋ Salomo tu eya ŋutɔ ƒe xɔ, hafi wu eƒe xɔ la nu keŋ.

1 Fiawo 8:18

Eye Yehowa gblɔ na fofonye Dawid bena: Esi nèɖoe ɖe ta me be, yeatu xɔ na nye ŋkɔ la, èwɔe nyuie be, nèɖoe de ta me.

1 Fiawo 8:20

Yehowa wo eƒe nya, si wògblɔ la dzi, eye medo xɔ fofonye Dawid teƒe hebɔbɔ nɔ Israel-fiazikpui la dzi, abe alesi Yehowa gblɔ ene, eye metu xɔ na Yehowa, Israel Mawu la ƒe ŋkɔ.

1 Fiawo 9:1

Eye wòva me, esime Salomo wui Yehowa ƒe xa kple fia ƒe xɔ tutu kpakple nusiwo katã Salomo ɖo ɖe ta me, be yeawo nu la,

1 Kronika 22:10

Eya atu xɔ na nye ŋkɔ; azu vinye, eye nyea mazu fofoa, eye mana eƒe fiaɖuƒe ƒe fiazikpui nati ke ɖe Israel dzi tegbee.

2 Kronika 1:17

Eye ne wogbɔ tso Egipte la, tasiaɖam ɖeka xɔa klosalo sekel alafa ade, eye sɔ ɖeka xɔa sekel alafa ɖeka kple blaatɔ̃. Alea wotsɔa wo yinae na Xititɔwo ƒe fiawo katã kple Aram-fiawo.

2 Kronika 2:12

Eyata mele Xuram Abi ɖom ɖe wò, amesi nye aɖaŋutɔ, eye nunya le tagba ne;

5 Mose 12:11

ekema mitsɔ nusiwo katã ŋu mede se na mi le egbea, siwo nye miaƒe numevɔsawo kple akpedavɔsawo, miaƒe nuwo ƒe ewolia kple adzɔ, si miaƒe asiwò na, kpakple nusiwo katã miena le mia ɖokui si heɖe adzɔgbe na Yehowa la, va teƒe, si Yehowa, mia Mawu, atia, be yeƒe ŋkɔ nanɔ,

5 Mose 12:5

ke boŋ teƒe, si Yehowa, mia Mawu, atia tso miaƒe towo dome, bena yeƒe ŋkɔ nanɔ alima la, teƒe ma yome mɔ miadi, eye afima miayi;

5 Mose 28:58

Ne mèlé se sia ƒe nyawo katã, siwo woŋlɔ ɖe agbalẽ sia me la me ɖe asi hewɔ wo dzi o, eye mèvɔ̃ Yehowa, wò Mawu ƒe ŋkɔ, si ŋu bubu kple ŋɔdzi le o la,