2 Kronika 17:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Eye via Yosafat zu fia ɖe eteƒe, eye wòglã eɖokui ɖe Israel ŋu.

Agbenya La

¹ Yehosafat ɖu fia ɖe fofoa, Asa teƒe eye wòglã eɖokui ɖe Israel fia ŋu.

2 Kronika 17:1 Mawu Ofanana

1 Fiawo 15:24

Eye Asa mlɔ fofoawo gbɔ, eye woɖii ɖe fofoawo gbɔ le fofoa Dawid ƒe ɖu la me, eye via Yosafat zu fia ɖe eteƒe.

1 Fiawo 22:41

Yosafat, Asa vi, zu fia ɖe Yuda dzi le Israel-fia Axab ƒe ƒe enelia me.

2 Fiawo 1:17

Ale woku le Yehowa ƒe nya, si Eliya gblɔ la nu. Eye Yoram zu fia ɖe eteƒe le Yuda-fia Yoram, Yosafat vi ƒe ƒe evelia me, elabena ŋutsuvia ɖeke mele esi o.

1 Kronika 11:10

Dawid ƒe kalẽtɔwo ƒe tatɔwo nye esi; woawo kple Israel blibo la ku ɖe eŋu tsehee le eƒe fiaɖuɖu la me, eye wotsɔe ɖo fiae le Yehowa ƒe nya, si wògblɔ ɖe Israel ŋu la nu.

2 Kronika 12:1

Ke esime Rexabeam ƒe fiaɖuƒe la li ke, eye ŋusẽ ɖo eŋu la, eya kple Israel blibo la gblẽ Yehowa ƒe se la ɖi.

2 Kronika 17:2

Eɖe asrafowo ɖo Yuda-du sesẽwo katã me, eye wòɖe amewo ɖo Yuda-nyigba dzi kple Efrayim-du, siwo fofoa Asa xɔ la me.

2 Kronika 26:8

Amonitɔwo dzo nu na Uziya, eye eƒe ŋkɔ de Egipte ke, elabena ekpa ŋusẽ tso me.

2 Kronika 32:5

Egla eɖokui, eye wòdɔ gli la ƒe gbagbãƒewo katã do, etu xɔ tsralawo de wo dzi, eye wòɖo gli bubuwo ɖe egodo, eɖo gli ɖe Dawid-du la ƒe Milo ŋu, eye wòwɔ aʋawɔnuwo kple akpoxɔnuwo kpaŋkpaŋ;

Hezekiel 7:27

Fia axa nu, dzidzi aƒo amegã, eye dukɔ hahoo la ƒe asi adzo nyanyanya, mawo wo ɖe woƒe zɔzɔme nu, eye madrɔ̃ ʋɔnu wo de woƒe ʋɔnudɔdrɔ̃ nu, ne wòadze sii be, nyee nye Yehowa.

Mateo 1:8

Asa dzi Yosafat, Yosafat dzi Yoram, eye Yoram dzi Uziya;

Efesotɔwo 6:10

Mlɔeba la, nɔvinyewo, mise ŋu le Aƒetɔ kple eƒe ŋusẽ ƒe ŋutete la me!

1 Samuel 23:16

Eye Saul vi Yonatan dze ma yi Dawid gbɔ le ave la me, eye wotso Mawu de dzi ƒo nɛ.