1 Samuel 9:24 - Biblia alo Ŋɔŋlɔ Kɔkɔe La Le Eʋegbe Me 1913

²⁴ Tete nuɖala yi ɖatsɔ ata kple nusiwo le eŋu la, va ɖo Saul kɔ me. Eye wògblɔ bena: Kpɔ ɖa, esia wotsɔ le megbe kpɔm na wò, hee ɖe akɔ me naɖu, elabena esi mekpe dukɔa la, eya medzrae ɖo na wò vaseɖe fifi. Eye Saul kple Samuel woɖu nu gbemagbe.

Agbenya La

²⁴ Ale nuɖuɖudzikpɔla la tsɔe va da ɖe Saul ƒe akɔme. Samuel gblɔ na Saul be, “Ɖu nu nam elabena wò tututue medzra nuɖuɖu sia ɖo na hafi mekpe ame bubuawo gɔ̃ hã!” Ale Saul ɖu nu kple Samuel.

1 Samuel 9:24 Mawu Ofanana

2 Mose 29:22

Eyome naɖe ami, siwo le agboa ŋu; ɖe asike la kple eŋu miwo, ami, siwo le dɔmenuawo ŋu, aklã ŋu miwo, ayiku eveawo kple wo ŋu miwo kpakple nuɖusita; elabena ameɖoɖo ƒe agboe.

2 Mose 29:27

Kɔ agbo, si wowu hena Aron kple viaŋutsuawo ɖoɖo la, ƒe akɔ kple ata, siwo wonye la ŋuti,

Hezekiel 24:4

Fɔ lãkɔwo de eme, lãkɔ nyuiwo katã, alime kple abɔgba; tso ƒu nyuiawo de eme fũ.

4 Mose 18:18

Gake woƒe lã nanye tɔwò, abe alesi akɔ, si wonyè kple ɖusita nye tɔwoe ene.

1 Samuel 9:23

Azɔ Samuel gblɔ na nuɖala bena: Tsɔ lã, si mede asi na wò hegblɔ be, nadzrae ɖo ɖe ɖokuiwò gbɔ la ve!