1 Samuel 9:20 - Biblia alo Ŋɔŋlɔ Kɔkɔe La Le Eʋegbe Me 1913

²⁰ Megatsi dzi le tedzinɔ, siwo bu na wò ŋkeke etɔ̃ enye egbe la ŋu o, elabena wokpɔ wo! Eye ameka tɔ enye Israel ƒe nu veviwo katã? Ɖe menye mia kple fofowò ƒe aƒe blibo la tɔa oa?

Agbenya La

²⁰ Mègatsi dzi le tedzi siwo bu ŋkeke etɔ̃e nye esi la ŋu kura o elabena wokpɔ wo xoxo. Ke Israel ƒe kesinɔnuwo katã zu tɔwò azɔ!”

1 Samuel 9:20 Mawu Ofanana

1 Kronika 29:3

Eye esi wònye ɖe mekpɔ dzidzɔ le nye Mawu ƒe aƒea ŋu ta la, mena nye ŋutɔ nye sika kple klosalo, siwo metu ɖo la, ɖe nye Mawu ƒe aƒe la ŋu kpe ɖe nusiwo katã medzra ɖo ɖe kɔkɔeƒe ƒe xɔ la ŋuti la ŋu:

Psalmowo 62:10

Vavã, tofloko enye amegbetɔviwo, eye alakpa enye ameviwo; wole wodzoo le nudanu me, elabena wo katã la tofloko wonye.

Kolosetɔwo 3:2

Mitsɔ miaƒe tamesusuwo ɖo dziƒonuwo ŋu, menye anyigbadzinuwo ŋu o.

1 Samuel 10:16

Saul ɖo ŋu na nyuria bena: Egblɔ na mi be, wokpɔ tedzinɔwo xoxo. Ke meto fiaɖuɖu ŋu nya, si Samuel gblɔ la nɛ o.

1 Samuel 12:13

Azɔ miaƒe fia, si mietia, eye miebia la, enye si! Kpɔ ɖa. Yehowa ɖo haɖe mia nu.

1 Samuel 12:15

Ke ne mieɖo to Yehowa ƒe gbe o, eye miesẽ to ɖe Yehowa ƒe se ŋu la, ekema Yehowa ƒe asi ava mia dzi, abe alesi wòva mia fofowo dzi ene.

1 Samuel 4:20

Eye esi wòle kudɔ ƒom la, amesiwo le tsitre ɖe egbɔ la, gblɔ nɛ bena: Megavɔ̃ o, elabena ŋutsuvie nèdzi! Ke meɖo ŋu na wo o, eye medo toe o.

1 Samuel 8:19

Gake dukɔ la gbe toɖoɖo Samuel hegblɔ bena: Gbeɖe, ke boŋ fia nenɔ mía nu,

1 Samuel 8:5

eye wogblɔ nɛ bena: Kpɔ ɖa, ètsi, eye viwowo mele wo ʋe me tom o; eyata ɖo fia na mí, amesi adrɔ̃ ʋɔnu na mí abe alesi wòle le dukɔwo katã dome ene!

1 Samuel 9:19

Samuel ɖo ŋu na Saul gblɔ bena: Nyee nye nukpɔla la. Dze ŋgɔnye yi to la dzi, eye miaɖu nu kplim egbea! Etsɔ ŋdi la mado mɔ wò, eye maɖe nusiwo katã le wò dzi me la afia wò.

1 Samuel 9:3

Eye Saul fofo Kis ƒe tedzinɔwo bu, eye Kis gblɔ na via Saul bena: Kplɔ ame ɖeka le dɔlawo dome ɖe asi, eye tso, nayi aɖadi tedzinɔawo!