1 Samuel 6:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Eyata mifɔ nuwo vɛ, ne miawɔ tasiaɖam yeye ɖeka, eye mikplɔ nyivinɔ eve, siwo womeku kɔkuti kɔ na wo kpɔ o la, kpe ɖe eŋu: mitsi nyinɔawo ɖe tasiaɖam la ŋu, eye milé wo viwo le wo ŋu va aƒee!

Agbenya La

⁷ “Miwɔ tasiaɖam yeye eye miatsii ɖe nyinɔ eve siwo dzi vi le ŋkeke siawo me eye wometsi keke ɖe wo ŋu kpɔ haɖe o la ŋuti. Milé wo viwo de kpo me.

1 Samuel 6:7 Mawu Ofanana

2 Samuel 6:3

Woɖa Mawu ƒe aɖaka la ɖe tasiaɖam yeyea ɖe me, eye wotsɔe tso Abinadab ƒe aƒe, si le togbɛ dzi la me, eye Abinadab viwo Usa kple Axio kplɔ tasiaɖam yeye la.

1 Kronika 13:7

Ke wotsɔ Mawu ƒe aɖaka la ɖo tasiaɖam yeye dzi tso Abinadab ƒe me, eye Uza kple Axyo wole tasiaɖam la kplɔm.

4 Mose 19:2

Ale Yehowa de se gblɔ enye si: Gblɔ na Israel-viwo be, wòalé nyinɔ dzẽ, si sɔ blibo, nu mewɔ afia ɖeke nɛ o, eye womede kɔkuti kɔ nɛ kpɔ o la, vɛ na wò.

5 Mose 21:3

Eye du, si tsɔ ɖe ame kukua gbɔ la me ame tsitsiwo nana nyinɔvi ɖeka, si mewo ɖɔ kpɔ o, eye womede kɔkuti kɔ nɛ kpɔ o la.

5 Mose 21:4

Eye du ma me ame tsitsiwo nakplɔ nyinɔ la ayi baba ɖe, si me tɔ makumaku si to la me, afisi womede agble ɖo o, eye womeƒã nu ɖo o, eye woaŋe kɔ le nyinɔ la nu le bali la me afima.