1 Samuel 6:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Eye nyinɔwo lé mɔ kɔ ɖo ta Bet-Semes, wòlé mɔ ɖeka hele xɔxlɔ̃m, eye womedze ɖe ɖusi alo mia me o. Eye Filistitɔwo ƒe amegãwo le wo yome vaseɖe Bet-Semes ƒe liƒo dzi.

Agbenya La

¹² Enumake nyinɔawo dze mɔ tẽe ɖo ta Bet Semes henɔ xɔxlɔ̃m sesĩe le mɔa dzi, womedze ɖe ɖusime alo miame o. Filistitɔwo ƒe amegãwo dze wo yome va se ɖe Bet Semes ƒe liƒo dzi.

1 Samuel 6:12 Mawu Ofanana

1 Fiawo 4:9

Ben-Deker le Makaz, Saalbim, Bet-Semes, Elon kple Bet-Xanan nu;

2 Mose 8:15

Eye afakalawo gblɔ na Farao bena: Esia la Mawu ƒe asibidee! Ke Farao ƒe dzime sẽ, eye meɖo to wo o, abe alesi Yehowa gblɔ ene.

4 Mose 20:19

Tete Israel-viwo gblɔ nɛ bena: Dumɔ gã dzi ko miehe, míato ayi, eye ne mia kple miaƒe lãwo mieno wò tsi la, ekema míaxe fe ɖe eta. Afɔ pɛ ko miehe, míatsɔ azɔ edzi ayi, eye miele naneke dim wu esia o.

Yosua 15:10

Eye liƒo la tro tso Baala ɖo ta Seir-to gbɔ le ɣetoɖoƒe heva zɔ Har-Yearim-to la ŋu le anyiehe, esia nye Kesalon, eye wòmlo to Bet-Semes vaseɖe Timna.

1 Samuel 6:11

Emegbe wotsɔ Yehowa ƒe aɖaka la kple aɖakavi, si me sikafiawo kple woƒe ƒoƒoe, siwo wowɔ le la, da ɖe tasiaɖam la me.

1 Samuel 6:13

Ke Bet-Semestɔwo le lu ŋem le bali la me, eye wòfɔ kɔ dzi kpɔ aɖaka la; eye esi wokpɔe la, wokpɔ dzidzɔ.

1 Samuel 6:9

Eye ne miekpɔ bena, ele aƒemɔ ɖo ta Bet-Semes la, ekema eyae he dzɔgbevɔ̃e gã sia va mía dzi; ke ne mele alea o la, ekema míanyae bena, menye eƒe asie va mia dzi o, ke boŋ nua ɖe ƒomevie wɔ mí.