1 Samuel 6:10 - Biblia alo Ŋɔŋlɔ Kɔkɔe La Le Eʋegbe Me 1913

¹⁰ Tete ŋutsuawo wɔ alea; wòlé nyivinɔ eve, eye wotsi wo ɖe tasiaɖam la ŋu, ke wotsi ka wo viwo ɖe aƒe.

Agbenya La

¹⁰ Ale wowɔ nu si wogblɔ na wo. Wotsi nyinɔ eve ɖe tasiaɖam la ŋu eye wotu wo viwo ɖe kpo me.

1 Samuel 6:10 Mawu Ofanana

1 Mose 33:13

Eɖo ŋu ne bena: Nye aƒetɔ, wò ŋutɔ ènyae bena, ɖevi dzawo kple alẽ kple nyi vinɔwo le ŋunye ne woaƒo du ɖe wo nu ŋkeke ɖeka ko la, ekema lãha blibo la atsrɔ̃.

1 Fiawo 18:44

Esi wòyi zi adrelia la, egblɔ be: Kpɔ ɖa, alilikpovia ɖe le abe ame ƒe asi ene, tso ƒu gome gbɔna. Eye wògblɔ be: Yi ɖagblɔ na Axab bena: Tsi lãwo ɖe tasiaɖam ŋu, eye nadzo, ne tsi megasika wò ɖi o.

1 Samuel 6:11

Emegbe wotsɔ Yehowa ƒe aɖaka la kple aɖakavi, si me sikafiawo kple woƒe ƒoƒoe, siwo wowɔ le la, da ɖe tasiaɖam la me.

1 Samuel 6:9

Eye ne miekpɔ bena, ele aƒemɔ ɖo ta Bet-Semes la, ekema eyae he dzɔgbevɔ̃e gã sia va mía dzi; ke ne mele alea o la, ekema míanyae bena, menye eƒe asie va mia dzi o, ke boŋ nua ɖe ƒomevie wɔ mí.