1 Samuel 4:13 - Biblia alo Ŋɔŋlɔ Kɔkɔe La Le Eʋegbe Me 1913

¹³ Esi wòva la, kpɔ ɖa, Eli bɔbɔ nɔ zikpui dzi le agbo nu hele mɔ ta kpɔm, elabena Mawu ƒe aɖaka la na meɖe dzi ɖi o. Eye esi ŋutsu la va gblɔe le dua me la, tete du blibo la do ɣli.

Agbenya La

¹³ Eli nɔ lalam le mɔto be yease nya aɖe tso aʋa la ŋu elabena etsi dzimaɖeɖi ɖe Mawu ƒe nubablaɖaka la ƒe dedinɔnɔ ŋu. Esime ame dɔdɔ la tso aʋagbedzi va gblɔ nya si dzɔ la, ameawo fa avi hoo le du blibo la me.

1 Samuel 4:13 Mawu Ofanana

Psalmowo 26:8

Yehowa, melɔ̃ wò aƒe nɔƒe kple teƒe, si wò bubu le.

Yeremia 48:19

Aroer-nyɔnu, va tsi tre ɖe mɔ to nanɔ ŋu tsam, bia amesiwo si, eye wokplɔ la bena: Nya kae dzɔ?

Yosua 7:9

Eye ne Kanaanitɔwo kple anyigbadzitɔwo katã see la, ekema woava kpe ta ɖe mía ŋu, eye woatsrɔ̃ míaƒe ŋkɔ ɖa le anyigba dzi; emegbe ɖe, aleke nawɔ ɖe wò ŋkɔ gã la ta?

1 Samuel 1:9

Eye esi Xana du nu no nu le Silo vɔ la, etsi tre yi Yehowa ŋku me. Eye nunɔla Eli bɔbɔ nɔ atiklã dzi le Yehowa ƒe gbedoxɔ la ƒe ʋɔtru nu.

1 Samuel 4:14

Esi Eli se ɣli la ƒe ɖiɖi la, egblɔ bena; Nuka wɔ ameha la le ɣli dom? Enumake ŋutsu la ɖe abla va to nya la na Eli.

1 Samuel 4:18

Esi wose Mawu ƒe aɖaka ŋkɔ la, emũ tso eƒe zikpui dzi ŋedze ɖe agbo la nu, eye wòtɔ kɔ heku; elabena ame tsitsi wònye, eye kpekpe le eŋu. Edrɔ̃ ʋɔnu na Israel ƒe blane sɔŋ.