1 Samuel 31:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Esi ŋu ke la. Filistitɔwo va nu ɖe ge le ame tsiaʋawo ŋu, eye wokpɔ Saul kple viaŋutsu etɔ̃awo le Gilboa-to la dzi.

Agbenya La

⁸ Esi ŋu ke eye Filistitɔwo yi be woaɖe nuwo le Israel ƒe ame kukuwo ŋu la, wokpɔ Saul kple Via ŋutsu etɔ̃awo ƒe kukuawo le Gilboa to la dzi.

1 Samuel 31:8 Mawu Ofanana

2 Samuel 1:20

Migaɖe gbe ƒãe le Gat o, eye migado kpoe le Askalon ƒe ablɔwo me o, ne Filistitɔwo ƒe vinyɔnuwo nagadzɔ dzi, eye bolotɔwo ƒe vinyɔnuwo nagatso aseye o!

2 Samuel 1:21

Mi Gilboa-towo, zãmu alo tsi magadza ɖe mia dzi o, eye agble wɔnuwo maganɔ mia dzi o; elabena afima wotsɔ kalẽtɔwo ƒe akpoxɔnu ƒu gbe ɖo. Saul ƒe akpoxɔnu le abe ɖe womesi ami nɛ o ene.

1 Kronika 10:8

Esi ŋu ke, eye Filistitɔwo va nu ɖe ge le ame tsiaʋawo ŋu la, wokpɔ Saul kple viawo woku ɖe Gilboa-to la dzi,

2 Kronika 20:25

Tete Yosafat kple eƒe aʋakɔ la va, be woaha aboyonuawo, eye wokpɔ kesinɔnuwo, awuwo kple nu xɔasiwo le wo dome fũ; eye woha wo, ale be wò wu tsɔtsɔ na wo. Ŋkeke etɔ̃ sɔŋ wole aboyonuawo haha dzi, elabena wosɔ gbɔ ŋutɔ.

1 Samuel 28:4

Esi Filistitɔwo kpe ta va ƒu asaɖa anyi ɖe Sunem la, Saul hã ƒo Israel blibo la nu ƒu, eye woƒu asaɖa anyi ɖe Gilboa.

1 Samuel 31:7

Esi Israel-ŋutsu, siwo le bali la ƒe go keme kple Yordan ƒe go keme dzi, kpɔ bena, Israel-ŋutsuwo si, eye Saul kple viaŋutsuwo ku la, wogblẽ woƒe duwo ɖi hesi, eye Filistitɔwo va nɔ wo me.

1 Samuel 31:9

Tete wotso ɖa le enu, eye woɖe eŋutinuwo ɖo ɖe Filistitɔwo ƒe anyigba dzi godoo, ne woaɖe gbe ƒãe le woƒe trɔ̃wo ƒe me kpakple le dukɔ la dome.