1 Samuel 30:14 - Biblia alo Ŋɔŋlɔ Kɔkɔe La Le Eʋegbe Me 1913

¹⁴ Míeyi ɖadze Kretitɔwo ƒe dziehe kple Yuda-nyigba kpakple Kaleb ƒe dziehe gome dzi, eye mieta dzo Ziklag.

Agbenya La

¹⁴ Míede ɖaha Keretitɔwo ƒe dziehe kple Yuda ƒe anyigba kple Kaleb nyigba ƒe dziehe, míetɔ dzo Ziklag du la eye míetrɔ va yina.”

1 Samuel 30:14 Mawu Ofanana

2 Samuel 8:18

Benaya, Yehoyada vi, le Kretitɔwo kple Pletitɔwo nu, eye Dawid viŋutsuwo nye aɖaŋuɖolawo.

1 Fiawo 1:38

Tete nunɔla Zadok, nyagblɔɖila Natan kple Benaya, Yehoyada vi, kpakple Kretitɔwo kple Pletitɔwo woyi, eye wona Salomo do fia Dawid ƒe tedzisɔ, eye wokplɔe yi Gixon.

1 Fiawo 1:44

Fia la dɔ nunɔla Zadok, nyagblɔɖila Natan kple Benaya, Yehoyada vi, kpakple Kretitɔwo kple Pletitɔwo kpe de eŋu, eye wona wòdo fia ƒe tedzisɔ.

1 Kronika 18:17

Benaya, Yehoyada vi, le Kretitɔwo kple Pletitɔwo nu, eye Dawid viŋutsuwo nye ame gbãtɔwo le fia ŋu.

Hezekiel 25:16

eyata ale Aƒetɔ Yehowa gblɔ esi: Kpɔ ɖa, mado nye asi ɖa ɖe Filistitɔwo ŋu, matsrɔ̃ Kretatɔwo, eye mana amesiwo kpɔtɔ ɖe atsiaƒu nu la, nabu gbidii.

Zefania 2:5

Baba na mi Krefa-ɖukɔ, mi amesiwo le atsiaƒu nu! Filistitɔwo ƒe anyigba Kanaan, mia ŋue Yehowa ƒe gbe va ɖo, eye matsrɔ̃ wò, ale be ame navɔ le dziwò.

Yosua 14:13

Tete Yosua yrae, eye wòtsɔ Xebron na Kaleb, Yefune vi la, ne wòanye eƒe domenyinu.

Yosua 15:13

Eye Yosua tso Arba, Enakitɔwo fofo, ƒe du, si nye Xebron la na Kaleb, Yefune vi, ɖe Yuda viwo dome, abe alesi Yehowa gblɔ ne ene.

Yosua 21:12

Ke wotsɔ, agble, si le dua ŋuti, kple eƒe kɔƒewo na Kaleb, Yefune vi, wònye etɔ.

1 Samuel 25:3

Ŋutsu la ŋkɔ nye Nabal, eye srɔ̃ ŋkɔ nye Abigail: nyɔnu la ƒe tagbɔ ka, eye wòdze tugbe, ke ŋutsua enye ŋlɔmitɔ, evɔ̃ɖi, eye wòtso Kaleb-ƒome me.

1 Samuel 30:1

Esi Dawid kple eƒe amewo gbɔ va Ziklag le ŋkeke etɔ̃agbe la, kpɔ ɖa, Amalekitɔwo va dze dziehenyigba kple Ziklag dzi, eye wòsi Ziklag hetɔ dzoe.

1 Samuel 30:13

Dawid biae bena: Ameka ƒe ame nènye? Eye afika nètso? Eɖo ŋu be: Egipte-ɖekakpui menye, eye menye Amalekitɔa ɖe ƒe dɔla; ke nye aƒetɔ gblẽm ɖi, elabena dɔ dze dzinye ŋkeke etɔ̃agbe enye egbe.

1 Samuel 30:15

Eye Dawid gblɔ nɛ bena: Màkplɔm ayi adzoha siawo gbɔe oa? Eɖo ŋu bena: Ta Mawu nam be, màwum o, eye màtsɔm ade asi na nye aƒetɔ o, ekema makplɔ wò ayi adzoha siawo gbɔe!

1 Samuel 30:16

Esi wòkplɔe yii la, kpɔ ɖa, wokaka ɖe anyigba blibo la dzi, eye wole nu ɖum le nu nom hele ɣe ɖum le aboyonu geɖe, siwo katã woha tso Filistitɔwo ƒe anyigba kple Yuda-nyigba dzi la ta.