1 Samuel 30:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Woka gbotsetsebolo hetsɔ weintsetse ƒuƒu kpe ɖe eŋu nɛ woɖu, eye agbe gaɖo eme, elabena ŋkeke etɔ̃ kple zã etɔ̃ sɔŋ meɖu abolo o, eye meno tsi o.

Agbenya La

¹² Wotsɔ gbotsetsebolo eve kple waintsetse ƒuƒu eve nɛ. Esi wòɖu nu siawo la, egbɔ agbe elabena meɖu naneke alo no tsi ŋkeke etɔ̃ kple zã etɔ̃ o.

1 Samuel 30:12 Mawu Ofanana

Ester 4:16

Yi ɖaƒo Yudatɔ, siwo katã le Susa la nu ƒu, eye mitsi nu dɔ le tanye, migaɖu nu o, eye migano nu o zã kple keli ŋkeke etɔ̃ sɔŋ; mía kple nye nyɔnudɔlawo hã míatsi nu adɔ alea, eye manɔ alea ayi fia la gbɔ menye le sekɔ la nu o, eye ne meku la, ɖe meku!

Konyifahawo 1:11

Eƒe amewo katã le hũ ɖem hele abolo dim. Wotsɔ woƒe nu veviwo na ɖe nuɖuɖu la, ne woalé agbe ɖe te. Yehowa, ɖo ŋku anyi nakpɔ alesi woɖo vlom ɖa!

Mateo 27:63

Aƒetɔ, mieɖo ŋui bena, esi ameblela ma le agbe la, egblɔ bena: Le ŋkeke etɔ̃ megbe la magatsi tre.

Ɖelawo 15:19

Tete Mawu fe kpea ɖe le Lexi, eye tsi do le eme wono, ale be agbe gaɖo eme, eye eƒe lãme kɔ. Eyata wona ŋkɔ vudo la be ameyɔlavudo; ele Lexi vaseɖe egbe.

1 Samuel 14:27

Ke Yonatan mese be, fofoa ka atam na dukɔ la o, eye wòdo atikplɔ, si le esi la, ɖa tso enu to anyiɖaɖa la me hede nu me, enumake eƒe mo ko.

1 Samuel 30:11

Wokpɔ Egipte-ŋutsua ɖe le gbe me, eye wokplɔe va Dawid gbɔe, eye wona aboloe woɖu kpakple tsii wono.

1 Samuel 30:13

Dawid biae bena: Ameka ƒe ame nènye? Eye afika nètso? Eɖo ŋu be: Egipte-ɖekakpui menye, eye menye Amalekitɔa ɖe ƒe dɔla; ke nye aƒetɔ gblẽm ɖi, elabena dɔ dze dzinye ŋkeke etɔ̃agbe enye egbe.