1 Samuel 26:23 - Biblia alo Ŋɔŋlɔ Kɔkɔe La Le Eʋegbe Me 1913

²³ Yehowa aɖo amesiame ƒe nu dzɔdzɔe wɔwɔ kple nuteƒewɔwɔ teƒe nɛ, elabena Yehowa tsɔ wò de asi nam egbe, eye nyemeɖe asi Yehowa ƒe amesiamina la ŋu o.

Agbenya La

²³ Yehowa ŋutɔ axe fe na ame si wɔ nyui kple ame si wɔ nuteƒe. Ao, nyemawu wò o, togbɔ be Yehowa tsɔ wò de asi nam hã.

1 Samuel 26:23 Mawu Ofanana

2 Samuel 22:21

Yehowa wɔ nam ɖe nye dzɔdzɔenyenye nu, eye wòɖo teƒe nam le esi nye asi dza ta.

2 Samuel 22:25

Eyata Yehowa ɖo eteƒe nam le nye dzɔdzɔenyenye ta, le esi nye asi dza le eŋku me ta.

1 Fiawo 8:32

ekema nasee le dziƒo, eye nadrɔ̃e na wò dɔlawo ahabu fɔ vodala, eye nana eƒe nuwɔwɔ nava eƒe la dzi, ke natso afia na nya dzɔdzɔe tɔ, eye nawɔ ne le eƒe dzɔdzɔenyenye nu.

Nehemia 13:14

Nye Mawu, ɖo ŋui nam, eye megana nye lɔlɔ̃dɔ, si mewɔ ɖe nye Mawu ƒe aƒe kple eƒe subɔsubɔhawo ŋu la nu natsi o!

Hiob ƒe Agbalẽ 34:11

ke boŋ eɖoa eteƒe na amegbetɔ le eƒe nuwɔwɔ nu, eye wònana wòvaa me na ŋutsu le eƒe zɔzɔme nu.

Psalmowo 62:12

Mawu ƒo nu zi ɖeka, eye nu eve mese le eme; Mawu tɔe nye ŋusẽ,

1 Samuel 24:11

Kpɔ ɖa, wò ŋkuwo kpɔe egbe sia be, Yehowa tsɔ wò ɖe asi nam egbea le agado la me; eye wogblɔ be, mawu wò, ke meve nuwò, eye megblɔ bena: Nyemaɖe asi nye aƒetɔ ŋu o, elabena Yehowa ƒe amesiamina wònye.

1 Samuel 24:12

Fofonye, kpɔ ɖa, wò awu ʋlaya nu enye si le asinye; esi melã wò awu ʋlaya nu, eye nyemewu wò o la, nadze sii bena, vɔ̃ alo tame vɔ̃a ɖeke mele menye o, eye nyemewɔ nuvɔ̃a ɖeke ɖe ŋuwò o; ke wò la èle nye agbe ɖim be, yeaɖe ɖa.

1 Samuel 24:18

hegblɔ na Dawid bena: Enye ame dzɔdzɔe wum, elabena èwɔ nyui nam, ke nye la mewo vɔ̃ ɖe ŋuwò!

1 Samuel 24:19

Ede nyui, si nèwɔ nam la, fia egbe be, esi Yehowa tsɔm de asi na wò la, mèwum o.

1 Samuel 26:11

Nede megbe xaa tso gbɔnye le Yehowa ta be, made nye asi Yehowa ƒe amesiamina la ŋu! Eyata tsɔ akplɔ, si le eƒe tade, kple tsize la, ne miadzo!

1 Samuel 26:22

Dawid ɖo ŋu gblɔ bena: Kpɔ ɖa, fia ƒe akplɔ enye si, ɖekakpuiawo dometɔ ɖeka neva afi, ne woaxɔe!

1 Samuel 26:9

Ke Dawid gblɔ na Abisai bena: Megawui o: elabena ameka ade eƒe asi Yehowa ƒe amesiamina la ŋu, eye woagbe tohehe nɛa?