1 Samuel 26:19 - Biblia alo Ŋɔŋlɔ Kɔkɔe La Le Eʋegbe Me 1913

¹⁹ Azɔ nye aƒetɔ nese eƒe dɔla ƒe nyawo dzro: Nenye Yehowae do wò ɖe ŋunye la, ekema axɔ vɔsa aʋẽ ase, ke nenye amegbetɔviwoe la, ekema aɖi wo ŋu le Yehowa ŋku me, elabena wonyãm egbe, be nyemagakpɔ gome le Yehowa ƒe anyigba dzi o hegblɔ bena: Yi ɖasubɔ mawu bubuwo!

Agbenya La

¹⁹ Azɔ la, nye aƒetɔ, fia la nase eƒe subɔla ƒe nyawo. Nenye Yehowae na nètso ɖe ŋunye la, ekema mexɔ nye vɔsa. Ke nenye amegbetɔviwo ƒe ɖoɖoe la, ekema Yehowa ŋutɔ naƒo fi ade wo elabena wonyam dzoe le mía de ale be nyemate ŋu anɔ Yehowa ƒe amewo dome o eye woɖom ɖa be masubɔ mawu bubuwo.

1 Samuel 26:19 Mawu Ofanana

1 Mose 44:18

Tete Yuda te ɖe eŋu gblɔ be: Taflatse, nye aƒetɔ! Na wò dɔla naƒo nu kple nye aƒetɔ, eye megabi dzi ɖe wò dɔla ŋu o; elabena èle abe Farao ene.

1 Mose 8:21

Ke esi Yehowa se ʋeʋẽ lililia la, egblɔ le eƒe dzi me bena: Nyemagaƒo fi ade anyigba akpɔ le amegbetɔ ta o. Elabena ame ƒe dzimesusu enye vɔ̃ tso ɖevime ke, eye nyemagatsrɔ̃ nu gbagbewo katã, abe alesi mewo ene o.

2 Samuel 14:16

Elabena fiã la aɖo to eƒe dɔlanyɔnu, eye wòaɖem tso ŋutsu, si be, yeatsrɔ̃ mía kple vinye ɖa le Mawu ƒe domenyinu nu la si me.

2 Samuel 16:10

Ke fia la gblɔ be: Nya ka me mele kple mi Zeruya viwo? Nedo ɖiŋu faa! Elabena nenye Yehowae gblɔ nɛ be: do ɖiŋu na Dawid la! ameka kpɔ mɔ agblɔ be: nukaŋuti nèle wɔwɔm alea?

2 Samuel 16:11

Eye Dawid gblɔ na Abisai kple eƒe dɔlawo katã bena: Kpɔ ɖa, vinye, si do tso nye ali me la, le nye ku dim; aleke wɔ Benyamintɔ mahadii oa? Mina, ne wòado ɖiŋu ko, elabena Yehowae gblɔe nɛ!

2 Samuel 20:19

Nyee nye ame fafa kple anukwaretɔwo dometɔ ɖeka le Israel; èbe, yeatsrɔ̃ du kple dada le Israel; nukaŋuti nèbe, yeagblẽ Yehowa ƒe domenyinu?

2 Samuel 21:3

Eye Dawid gblɔ na Gibeontɔwo bena: Nuka mawo na mi, eye nuka matsɔ alé avu mi, be miayra Yehowa ƒe domenyinu la?

2 Samuel 24:1

Eye Yehowa gado dɔmedzoe ɖe Israel ŋuti, eye wòdɔ Dawid ɖe wo ŋu gblɔ bena: Yi ɖaxlẽ Israel kple Yuda!

1 Fiawo 22:22

Eɖo ŋu bena: Mayi aɖanye aʋatsogbɔgbɔ anɔ eƒe nyagblɔɖilawo katã ƒe nu me Egblɔ bena: Àte ŋu aflui, heyi ɖawɔ nenema.

1 Kronika 21:1

Eye Satana tsi tre ɖe Israel ŋu, eye woble Dawid, be woaxlẽ Israel.

Psalmowo 120:5

Baba nam be, medze Mesex gbɔ, eye mele Kedar ƒe agbadɔwo gbɔ!

Psalmowo 20:4

Aɖo ŋku wò nuɖuvɔsawo katã dzi, eye wò numevɔsa ada ami le eŋku me. Sela.

Lododowo 30:10

Megali dɔla ŋu le eƒe aƒetɔ gbɔ, ne woado ɖiŋu na wò, eye fɔɖiɖi nanɔ dziwò o.

Yesaya 60:5

Ekema akpɔe, eye àko atsemenu, wò dzi adzo kpo, eye wòavu eɖokui; elabena atsiaƒu me nu xɔasiwo do agbogbo ɖe dziwò, eye dukɔwo ƒe kesinɔnuwo va na wò.

3 Mose 26:31

Magbã miaƒe duwo woazu glikpo, eye mana miaƒe teƒe kɔkɔewo nazu aƒedo, eye miaƒe numemewo magaʋẽ ɖem lilili o.

4 Mose 36:7

bena ne Israel-viwo ƒe anyigba magatso to ɖeka si ayi ɖe to bubu si me o, boŋ Israel-viwo dome ɖesiaɖe nalé fofoa ƒe to la ƒe anyigba ɖe asi.

4 Mose 36:9

Eye anyigba matso to ɖeka si ayi ɖe to bubu si me o, boŋ Israel-viwo ƒe toawo dome ɖesiaɖe nalé eƒe anyigba ɖe asi.

Romatɔwo 14:15

Ke ne nɔviwò le nu xam le wò nuɖuɖu ŋuti la, ekema megale zɔzɔm le lɔlɔ̃ la nu o. Megatsɔ wò nuɖuɖu tsrɔ̃ ame ma, si la Kristo ku ɖo la o!

Galatiatɔwo 5:12

Oo, ɖe wòala amesiwo de dzi mia me la ɖa!

5 Mose 13:3

eye dzesi alo nukunu, si wògblɔ la, va me, emegbe wògblɔ be, mina miadze mawu bubu, siwo mienyã o yome, eye miasubɔ wo la,

2 Timoteo 4:14

Aleksandro, akɔblitula, wɔ vɔ̃ geɖe ɖe ŋunye; Aƒetɔ la aɖo eteƒe ne le eƒe nuwɔnawo nu;

1 Samuel 18:10

Esi ŋu ke la, gbɔgbɔ vɔ̃ tso Mawu gbɔ va dze Saul dzi, eye wòdze agbo le aƒea me; ke Dawid tsɔ eƒe asi ƒo saŋku abe tsã ene, eye Saul lé akplɔ ɖe asi.

1 Samuel 24:9

Emegbe Dawid tso hedo le agado la me, eye wòdo ɣli ɖe Saul yome gblɔ bena: Nye aƒetɔ fia! Eye Saul nyẽ kɔ, tete Dawid de ta agu, eye wòbɔbɔ.

1 Samuel 25:24

Eye wòdze klo ɖe eƒe afa nu gblɔ bena: Nye aƒetɔ, dzinyee vodada la le! Eyata na wò dɔlanyɔnu naƒo nu ɖe wò to me, eye se wò dɔlanyɔnu ƒe gbe!

1 Samuel 27:1

Ke Dawid gblɔ le eƒe dzi me bena: Gbe ɖeka ko mele Saul si me tsi ge; anyo nam wu, ne mesi yi ɖe Filistitɔwo ƒe anyigba dzi, ekema Saul atasi nye nya, eye magadim le Israel-nyigba blibo la dzi azɔ o, eye mage le esi me.