1 Samuel 25:18 - Biblia alo Ŋɔŋlɔ Kɔkɔe La Le Eʋegbe Me 1913

¹⁸ Tete Abigail wɔ kaba tsɔ abolo alafa eve, wein lãgbalẽgolo eve, alẽ atɔ̃, siwo woɖa, bli tɔtɔe dzidzenu atɔ̃, weintsetse ƒuƒu bolo alafa ɖeka kple gbotsetsebolo alafa eve, eye wotso wo ɖo tedziwo dzi.

Agbenya La

¹⁸ Abigail ɖe abla enumake, tsɔ abolo alafa eve (200), wain atigo eve, alẽ atɔ̃ siwo wowu la ƒe lã, bli tɔtɔ agba eve, abolo alafa ɖeka si wowɔ kple waintsetse ƒuƒu kple abolo alafa eve siwo wowɔ kple gbotsetse. Etsɔ nu siawo ɖo tedziwo dzi.

1 Samuel 25:18 Mawu Ofanana

2 Samuel 16:1

Esi Dawid to toa ta me yi ʋee la, kpo ɖa, Mefiboset ƒe dɔla Ziba va kpee, eye tedzi eve, siwo wòbia akpa na, eye wotsɔ abolo bɔbɔ alafa eve, weintsetse ƒuƒu bolo alafa ɖeka kple wein lãgbalẽgolo ɖeka do agba ɖe wo dzi la, kpe ɖe eŋu.

1 Kronika 12:40

Eye amesiwo tsɔ ɖe wo gbɔ kpuie va ke ɖe Isaxar, Zebulon kple Naftali la, wotsɔ abolowo ɖo tedziwo, kposɔwo, tedzisɔwo kple nyiwo dzi vɛ, wohe nuɖuɖu, siwo wotsɔ wɔ ɖae, gbotitsetsebolo kple weintsetsebolo, wein kple ami, nyiwo kple alẽwo vɛ kpaŋkpaŋ, elabena dzidzɔ nɔ Israel.

Lododowo 18:16

Amegbetɔ ƒe nunana naa alɔmeɖeƒee, eye wòkplɔnɛ yia ame ŋkutawo ŋku mee.

Lododowo 21:14

Adzamenunana faa dɔmedzoe nu, eye zãnunana, si wohe ɖe akɔnu vɛ la, laa adãwɔwɔ nu.

Lododowo 31:12

Ewɔa nyuie nɛ, eye menye vɔ̃ o, le eƒe agbe me ŋkekewo katã me.

Mateo 5:25

Ŋkeke alesi nègale mɔ dzi kple wò ketɔ la, wɔ ɖeka kplii kaba bena, ne wò ketɔ nagava tsɔ wò ade asi na ʋɔnudrɔ̃la, eye vɔnudrɔ̃la nagatsɔ wò ade asi na atikplɔtɔ la, eye woade wò gaxɔ me o.

1 Samuel 17:17

Eye Isai gblɔ na via Dawid bena: Tsɔ bli tɔtɔe efa ɖeka sia kple abolo bɔbɔ ewo siawo ƒu du yi na nɔviwòwo le asaɖa la me!

1 Samuel 25:17

Eyata bu ta me nadi nusi nawɔ, elabena woɖo vɔ̃ ɖe míaƒe aƒetɔ kple eƒe aƒe blibo la ŋu; ke eyama la ame vɔ̃ɖi wònye, eye amea ɖeke mekpɔ mɔ aƒo nu de egbɔ o

1 Samuel 25:34

Ɖeko meta Yehowa, Israel ƒe Mawu, si xe mɔ nam be, nyemagawɔ vɔ̃ wò o la ƒe agbe, ɖe menye ɖe nèɖe abla va kpem o la, anye ne ŋutsua ɖeke makpɔtɔ na Nabal, hafi ŋu nake o.